Мірановіч Петр Тамашавіч нарадзіўся 21 верасня 1902 года ў в. Стралкі Дрысенскага павета.

Вучыўся ў Дзвінскай беларускай гімназіі. У 1935 годзе скончыў Латвійскую акадэмію мастацтваў. Настаўнічаў у беларускіх школах Латвіі.

У ранніх творах адлюстраваны побыт латгальскай вёскі 1920–1940 гг.: «У сялянскай хаце», «Жняя», «Бура ў жніво» і інш. Прыгажосць краявідаў Падзвіння перадаў у працах «Над Дзвіною», «Зіма на Дзвіншчыне», «Гонкі на Дзвіне» і інш. Стварыў партрэты С. Сахарава, П. Краўчэўскага, Н. Арсенявай, Я. Купалы і інш. Асобныя работы экспануюцца ў Нацыянальным навукова-асветным цэнтры імя Ф. Скарыны ў Мінску.

Памёр Петр Тамашавіч 20 снежня 1990 года.

ЛІТАРАТУРА

1. Мірановіч Пётр Тамашавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 199.

2. Мірановіч Пётр Тамашавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 117.

3. Панізнік, С. Самотнік з-пад Індры / С. Панізнік // Голас Радзімы. – 1991. – 21 лют. – С. 2.