Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Раманоўскі Пётр Міхайлавіч

Дата нараджэння
21.09.1919
Месца нараджэння
Віцебская вобл., Аршанскі р-н, г. Орша
Дата смерці
23.09.1977
Род дзейнасці
мастак
Спецыялізацыя
жывапіс
Узнагароды і прэміі
Ганаровая грамата Вярхоўнага Савета БССР

Раманоўскі Пётр Міхайлавіч нарадзіўся 21 верасня 1919 г. у Оршы, беларускі жывапісец. У 1938 г. скончыў Віцебскае мастацкае вучылішча. Як адзін з лепшых студэнтаў быў накіраваны ва Усерасійскую акадэмію мастацтваў, але скончыць яе не давялося. Пачалася Вялікая Айчынная вайна. 3 чэрвеня 1944 г. на фронце. У рэчавым мяшку салдата заўсёды былі алоўкі і папера. Ён шмат маляваў, перш за ўсё сваіх баявых таварышаў. У 1948 г. скончыў Ленінградскі інстытут жывапісу, скульптуры і архітэктуры імя І. Я. Рэпіна. У 1948–54 гг. выкладчык Мінскага мастацкага вучылішча.

У мастацкіх выстаўках удзельнічаў з 1949 г. Працаваў у галіне сюжэтна-тэматычнай карціны.

Яго палотны «На канікулах» (1951), «Сяброўкі» (1952), «Уборка капусты» (1958) увайшлі ў залаты фонд беларускага пасляваеннага мастацтва. Яго творчасць ішла ад рэчаіснасці, была напоўнена жыццёвай праўдай.

Мастака заўсёды захаплялі беларускія краявіды. Вынікам яго працы ў жанры пейзажа сталі цудоўныя палотны: «Жыта» (1960), «Зямля кліча» (1961), «Залатая восень» (1963), «Зімовы пейзаж», «Над Нёманам», «Возера Сенеж» і інш.
П. М. Раманоўскі вядомы і як таленавіты партрэтыст. Ён аўтар такіх вядомых партрэтаў як «Сын» (1967), «Мастак А. Шаўчэнка» (1970), «Паэт А. Русак» (1975) і інш.

У аматараў аршанскай даўніны асаблівую цікавасць выклікаюць работы мастака 1946 г.: «Орша. 1946 год», «Дняпро», «Пакроўская царква», «Ільінская царква», якія даюць уяўленне пра горад у першыя пасляваенныя гады.

Шмат работ мастака знаходзіцца ў фондах Нацыянальнага мастацкага музея Беларусі. Амаль паўсотні карцін мастак падарыў Оршы.

Узнагароджаны Ганаровай граматай Вярхоўнага Савета БССР.

Памёр 23 верасня 1977 года.

 

ЛІТАРАТУРА

1. Воранава, І. Мастак жыццёвай праўды / І. Воранава // Народнае слова. – 2004. – 9 кастр. – С. 6.

2. Ершов, И. Спрятанный талант / И. Ершов // Телеком-экспресс (Орша). – 2009. – 22 окт. – С. 7.

3. Пакуты і радасці пошукаў // Вёрсты пройдзеных дарог / І. А. Яршоў, В. М. Сіднякова. – Магілёў : Магілёўская друкарня,2003. – С. 173–180.

4. Раманоўскі Пётр Міхайлавіч // Памяць: Орша. Аршанскі раён : Гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. –.С. 438.

5. Яршоў, І. Вялікая Айчынная вайна ў творах мастакоў Оршы і Аршаншчыны / І. Яршоў // Телеком-экспресс (Орша). – 2009. – 7 мая. – С. 7 ; 14 мая. – С. 8.