Шакінка Леанід Ісідоравіч нарадзіўся 18 мая 1927 года ў в. Старына Лёзненскага раёна, беларускі графік.

У 1962 годзе скончыў Беларускі тэатральна-мастацкі інстытут. У 1966–1987 гг. – мастацкі рэдактар часопіса «Нёман».

Л. І. Шакінка ўдзельнічаў у мастацкіх выстаўках з 1962 года. Працаваў у станковай і кніжнай графіцы, у тэхніках лінагравюры, афорта, літаграфіі, акварэлі. Творам мастака ўласціва вобразная завершанасць, якая дасягаецца строгасцю і прастатой графічнага вырашэння.

Сярод работ вызначаюцца: «Кастрычнік» (1962), «Веласіпедысты» і «У нас у двары» (1963), «Маці. 1941 год» (1964), «Дарога на Мінскае мора» (1965), «Залатая восень» (1966), «Коміны Хатыні» (1967), «Школьніца» (1970), «Мікалай Капернік» і «Зімовыя карункі» (1973), «Зімовая казка» (1983), «Да Ільіча» (1984), серыі «Нашы маці» (1982) і «Вайна і людзі» (1984) і інш.

Член Саюза мастакоў і Саюза журналістаў СССР.

Памёр Леанід Ісідоравіч 15 верасня 1996 года.

ЛІТАРАТУРА

1. Наливайко, Б. Покаяние художника за «безумство всех» / Б. Наливайко // Рэспубліка. – 1998. – 31 снеж. – С. 4.

2. Тихомирова, Н. Оставил добрый след / Н. Тихомирова // Сцяг Перамогі (Лёзна). – 2001. – 18 верас. – С. 2.

3. Тихомирова, Н. «Не кончив песни лебединой» / Н. Тихомирова // Сцяг Перамогі (Лёзна). – 2016. – 13 верас. – С. 5.

4. Ципис, Н. Предназначение / Н. Ципис // Культура. – 1996. – 10–16 снеж. – С. 3.

5. Шакинко Леонид Исидорович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область. – Кн. 2. – С. 597.

6. Шунейка, Е. Штрихи к недосказанному / Е. Шунейка // Неман. – 1997. – № 11. – С. 25.