Шыдлоўскі Адольф Уладзіміравіч
Шыдлоўскі Адольф Уладзіміравіч – мастак.
Нарадзіўся 12 ліпеня 1939 года ў г. Талачын. Скончыў Талачынскую сярэднюю школу, мастацкую школу ў Вільні (1964–1968), мастацка-графічны факультэт Ленінградскага педінстытута імя А. Герцэна.
З 1952 года – мастак-афарміцель у Талачынскім раённым Доме культуры.
У 1959–1961 гг. працаваў у Талачынскай бударганізацыі маляром, лепшчыкам і мастаком.
Ён адзіны з еўрапейцаў, каму аказалі гонар быць прынятым у Асацыяцыю мастакоў азіяцкіх краін. Японская прэса адзначае: «Шыдлоўскі быў і застаецца строгім рэалістам і адначасова натхнёным рамантыкам. Яму ўдалося зрабіць тое, што ў свой час гісторыя назвала класікай...».
28 гадоў пражыў на Курылах. Там прайшла выстава яго пейзажных работ «Вабныя выспы».
У 1999 годзе прымаў удзел у выставах Асацыяцыі мастакоў азіяцкіх краін у Японіі.
Таксама ўдзельнічаў у выставах у Вільнюсе (1971, 1973), Паўднёва-Сахалінску, Хабараўску, Лас-Вегасе (2001, 2003).
ЛІТАРАТУРА
1. А. В. Шидловский // Моя Толочинщина: страницы истории / А. Шнейдер. – 2-е изд, с изм. – Минск : Бизнесофсет, 2006. – С. 149–150.
2. Бірукоў, В. Экзотыка Шыкатана ў палотнах беларуса / В. Бірукоў // Наша Талачыншчына. – 2003. – 10 снеж. – С. 2.
СПАСЫЛКІ
Галерея современных художников «Rilmark». Шидловский Адольф Владимирович
