Ціханаў Віктар Пятровіч нарадзіўся 27 верасня 1955 года ў в. Пукшына Віцебскага раёна. Беларускі мастак.

У 1978 годзе скончыў Беларускі тэатральна-мастацкі інстытут. Адрадзіў на Беларусі старажытную тэхніку разьбы на ляўкасе ў спалучэнні з жывапісам: «Дзед Сцяпан» (1976), «Успамін» (1977), «Слова аб Радзіме. Ф. Скарына», «Песня – успамін. М. Гусоўскі» (1980), «Свята ўраджаю», «Вянок жыцця. М. Багдановіч» (1981), трыпціхі «Сейбіты», «Вяртанне» (1982).

Аўтар манументальных работ: фрэска «Горад юнацтва» (1981), вітражы «Прырода» ў Інстытуце эксперыментальнай батанікі Нацыянальнай АН Беларусі (1982), у Літаратурным музеі М. Багдановіча (1991) у Мінску; мазаіка «Лясная песня» ў кінатэатры «Радзіма» (1982), вітраж «Гарады Беларусі» ў будынку аўтавакзала (1984, усе ў сааўт.) у г. Маладзечна Мінскай вобл., размалёўка царквы святых Пятра і Паўла ў г. Семятычы (Польшча, 1987); іканастас Свята-Мікалаеўскай царквы ў Брэсце; кампазіцыя «Мір табе, зямля пад белымі крыламі» (1989). Жывапісныя творы: «Спадчына» (1978), «Мой родны кут. Я. Колас» (1982), «Ля вытокаў В. Дунін-Марцінкевіч» (1983), «Сустрэча ў вёсцы Белае» (1984), «Восень на Браслаўшчыне», «Кастрычнік» (1997), «Цёплы дзень» (2001), цыкл з 21 карціны «Восень у Баварыі» (2000).

Памёр 28 верасня 2018 года.

ЛІТАРАТУРА

1. Гуринович, И. Картины, которые согревают / И. Гуринович // Советская Белоруссия. – 1995. – 24 нояб. – С. 4.

2. Ізобава, І. Вяртанне да вытокаў / І. Ізобава // Жыццё Прыдзвіння (Віцебск). – 2008. – 7 чэрв. – С. 4.

3. Паграноўскі, М. Імпрэсія альпійскага ветру / М. Паграноўскі // Культура. – 2012. – 3 сак. – С. 9.

4. Пастернак, Т. Печаль покинутых деревень / Т. Пастернак // Народнае слова. – 2008. – 24 крас. – С. 1.

5. Сабалеўская, А. Ненапружліва і з дранікамі / А. Сабалеўская // Культура. – 2009. – 18–24 крас. – С. 7.

6. Соловьева, Т. Возвращение / Т. Соловьева // Витебский проспект. – 2008. – 1 мая. – С. 2.

7. Шчарбачэвіч, Н. Мастак Віктар Ціханаў: «Карціны ніколі не абясцэняцца» / Н. Шчарбачэвіч // Звязда. – 2011. – 20 снеж. – С. 7.

8. Яніцкая, М. Таямнічая рэальнасць Віктара Ціханава / М. Яніцкая // Голас Радзімы. – 1997. – 26 чэрв. – С. 1, 7.