Васільеў Васіль Вячаслававіч нарадзіўся 2 снежня 1954 года ў Оршы, беларускі мастак. Скончыў мастацка-графічны факультэт Віцебскага дзяржаўнага педагагічнага інстытута (1982 г.), аддзяленне манументальна-дэкаратыўнага мастацтва Беларускай акадэміі мастацтваў (1992). Вучыўся ў Г. Вашчанкі.

Старшы выкладчык (1992), дацэнт кафедры дызайну Віцебскага дзяржаўнага тэхналагічнага універсітэта (1998). Член творчага аб'яднання «4-63» (1987–1990, г. Полацк). Удзельнічае ў выставах з 1978 года. Член Беларускага саюза мастакоў (1993). Жыве ў Віцебску.

Удзельнік мастацкіх выставак з 1978 г. Працуе ў галіне станковага жывапісу. 3 1990 г. займаецца пластычнымі, колеравымі, канцэптуальнымі пошукамі.

Сярод работ у галіне фігуратыўнасці станковага жывапісу: «Вясна» (1983), «Жанчына і птушка» (1987); абстрактныя – серыі «Гурзуф-2» (1991), «Знакі вады» (1992); аб'екты і інсталяцыі – «Сіні аб'ект» (1993), «Двайная піраміда» (1994), «Я чалавек разумны» (1996), «Пластычны стандарт №3» (2000); «Перыметр узыходзячага сонца», «Выхаванне Калумба» (2003), «Адпачынак на шляху ў Егіпет» (2006) «Уцёкі ў Егіпет 2», «Хто ты, адкуль ты?» (2008), «Качана вежа» (2009) , «Часам я бываю шчаслівы» (2009); перформансы – «Чырвонае віно» (1999 г.), «Зорка» (1999) і інш. Аўтар серый «Поры года» ў дзіцячым аддзяленні Быхаўскай лякарні (1990), «Уцёкі ў Егіпет» (2001), 12 абразоў для іканастаса царквы Уваскрасення Хрыстовага ў г. Дзісна (1992).
З'яўляецца аўтарам і куратарам вялікага ліку аўтарскіх і калектыўных канцэптуальных праектаў. Працуе з мастацтвам «аб'екта», стварае інсталяцыі, кампазіцыі ў галіне «лэнд-арт».

Творы мастака знаходзяцца ў фондах Беларускага саюза мастакоў, Полацкай мастацкай галерэі, Мастацкім музеі г. Віцебска.

ЛІТАРАТУРА

1. Васіль Васільеў // Саюз творцаў = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фат. В. Балоціна, М. Цыбульскага. – Мінск : Беларусь, 2005. – С. 28. – На беларус. і англ. мовах.

2. Васільеў Васіль Вячаслававіч // Беларускі саюз мастакоў: 1938–1998 : энцыклапедычны даведнік / аўт.-склад. Б. А. Крэпак [і інш.]. – Мінск : ВТАА «Кавалер Паблішэрс», 1998. – С. 92. – На беларус. і англ. мовах.

3. Васільеў Васіль Вячаслававіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 421.

4. Васільеў Васіль Вячаслававіч // Сучасныя мастакі Віцебшчыны : біябібліяграфічны слоўнік / ДУ «Віцебская абласная бібліятэка імя У. І. Леніна», Аддзел літаратуры па мастацтве ; склад. В. І. Аліева. – Віцебск, 1994. – С. 17–18.

5. Краснова, Ю. Энергия абстракта / Ю. Краснова // Витебский проспект. – 2013. – 25 апр. – С. 19.

6. Крупица, Н. Constructio Васильевых / Н. Крупица // Витьбичи = Віцьбічы. – 2007. – 20 окт. – С. 7.

7. Міхневіч, Л. Апантанасць / Л. Міхневіч // Мастацтва. – 2005. – № 7. – С. 13–15.

8. Павлова, Е. «Мы изображаем энергию...» / Е. Павлова // Витебский курьер. – 2001. – 27 нояб. – С. 1.

9. Пастернак, Т. Василий и Галина Васильевы / Т. Пастернак // Народнае слова. – 2004. – 25 мая. – С. 5.

10. Цыбульский, М. Л. Васильев Василий Вячеславович / М. Л. Цыбульский // Регионы Беларуси : энциклопедия : в 7 т. / редкол.: Т. В. Белова (гл. ред.) [и др.]. – Минск : БелЭн, 2010. – Т. 2 : Витебская область : в 2 кн. – Кн. 1. – С. 119–120.

СПАСЫЛКІ

Художники Витебщины. Васильев Василий