Даргель Мікалай Мікалаевіч нарадзіўся 14 студзеня 1941 года ў в. Дворышча Мёрскага раёна. Паэт, пісьменнік.

У 1959 годзе скончыў Мінскі архітэктурна-будаўнічы тэхнікум, у 1974 годзе – беларускі палітэхнічны інстытут (зараз – Беларускі нацыянальны тэхнічны ўніверсітэт).

Працоўны шлях пачаў у 1959 годзе ў г. Маладзечна, потым стаў ваенным будаўніком ва Усходняй Сібіры. Прымаў актыўны ўдзел ва ўзвядзенні аб'ектаў Лідскай, а затым Маладзечанскай зон і ўсяго паўночна-заходняга рэгіёна Мінскай вобласці. Прымаў удзел у будаўніцтве пасёлкаў для пацярпелых ад аварыі на Чарнобыльскай АЭС у Гомельскай і Магілёўскай абласцях.

У трэсце № 19 прайшоў шлях ад прараба да кіраўніка будупраўлення, быў намеснікам дырэктара па будаўніцтве завода «Оптык» (г. Ліда), галоўным інжынерам будаўнічага аб'яднання «Маладзечнасельбуд». У апошні час узначальваў Маладзечанскае СПМК.

Ужо на пенсіі кіраваў будаўніцтвам Свята-Успенскага сабора ў г. Маладзечна. І ўвесь час пісаў вершы, спачатку для сябе. У 2001 годзе надрукаваў першы зборнік «Тебе поклон, мой дом родной», потым былі «Грустинка в тишине» (2004), «О, Русь ты Белая, моя» (2006), «Душы стамлёнае парывы» (2010). У 2017 годзе пабачыў свет зборнік «Но мы пока ещё "гусары"», а ў 2020 годзе – зборнік вершаў «Абаронцам Айчыны паклон наш нізкі, шчыры шлём» да 75-годдзя Перамогі.

Жыве ў г. Маладзечна.

ЛІТАРАТУРА

1. Варта жыць! / падрыхт. Л. Матэленак // Міёрскія навіны. – 2019. – 12 студз. – С. 7.

2. Даргель, М. Шлях да храма / М. Даргель // Міёрскія навіны. – 2020. – 9 студз. – С. 6–7.

3. Каралёў, В. Найлепшы час, як выспее душа / В. Каралёў // Мiёрскiя навiны. – 2004. – 24 крас. – С. 4.

4. Матэленак, Л. Рэзананс: «гусарам» застаюся / Л. Матэленак // Міёрскія навіны. – 2017. – 12 снеж. – С. 7.

5. Не зарасці пракладзенаму следу: Мікалай Даргель // Міёрскія навіны. – 2017. – 29 жн. – С. 6.

6. Слова пра землякоў / падрыхт. Л. Матэленак // Міёрскія навіны. – 2020. – 28 сак. – С. 4.

СПАСЫЛКІ

 Пісьменнікі, паэты, літаратары Мёрскі раён

 Молодечненская центральная районная библиотека – Даргель Мікалай Мікалаевіч