ФІЛІПОВІЧ МАРЫЯ КАНСТАНЦІНАЎНА нарадзілася 1 студзеня 1947 года ў в. Смётанка Аршанскага раёна ў сялянскай сям'і.

У Смётанцы скончыла 7 класаў, вучылася ў Дубровенскай вячэрняй сярэдняй школе № 1. Вучылася ў Магілёўскім медыцынскім вучылішчы (1965–1968). Завочна вучылася ў Літаратурным інстытуце ў Маскве (1974–1980). Працавала фельчарам спачатку ў Віцебскай, потым у Мінскай вобласці (1968–1982). Некаторы час была выхавальніцай у Мінскім тэхнічным вучылішчы № 11 (1982–1983), бібліятэкарам у Оршы (1983–1984). 3 1984 года па 1985 год супрацоўніца рэдакцыі шматтыражнай газеты «Трыбуна наватара» (Орша). У 1985–1990 гг. на творчай рабоце. 3 1991 года спецкарэспандэнт газеты «Набат», з 1992 – газеты «Рэспубліка».

Літаратурны шлях Марыі Філіповіч пачаўся ў 1974 годзе з напісання 4 апавяданняў на творчы конкурс пры паступленні ў Літаратурны інстытут. Першыя публікацыі ў рэспубліканскім друку з'явіліся ў 1978 годзе (апавяданне «Сустрэча» ў «Нёмане» і «Дванаццаць месяцаў» пад Новы год» у «Бярозцы»). У яе творах адчуваецца добрае веданне штодзённага жыцця.

Памерла Марыя Канстанцінаўна 16 лютага 2003 года.

ЛІТАРАТУРА

1. Васілевіч, А. Памерла Марыя Філіповіч / А. Васілевіч // Літаратура і мастацтва. – 2003. – 7 сак. – С. 15.

2. Марыі Філіповіч – 50 // Літаратура і мастацтва. – 1996. – 27 снеж. – С. 12.

3. Марыя Філіповіч // Беларускія пісьменнікі (1917–1990) : даведнік / склад. А. К. Гардзіцкі. – Мінск : Мастацкая літаратура, 1994. – С. 555.

4. Прыняты ў Саюз пісьменнікаў // Літаратура і мастацтва. – 1987. – 24 крас. – С. 11.

5. Салтук, А. У добры шлях / А. Салтук // Віцебскі рабочы. – 1987. – 7 мая. – С. 2.