Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Гапава Валянціна Ігнатаўна

Дата нараджэння
04.01.1923
Месца нараджэння
Віцебская вобласць, Віцебскі раён, в. Малая Чэрніца
Дата смерці
14.01.2003
Род дзейнасці
літаратуразнавец

Гапава Валянціна Ігнатаўна нарадзілася 4 студзеня 1923 года ў в. Малая Чэрніца Віцебскага раёна. Даследчыца беларуска-польскіх і беларуска-рускіх літаратурных сувязяў.

У 1940 г. паступіла на філфак Ленінградскага ўніверсітэта. У якасці ваеннай медсястры прымала непасрэдны ўдзел у барацьбе супраць фашысцкай навалы, адпакутаваўшы ў час ленінградскай блакады. Пасля заканчэння ўніверсітэта ў 1946 г. вучылася ў аспірантуры на кафедры славянскіх літаратур, а потым з 1949 г. чытала лекцыі па гісторыі польскай і іншых славянскіх літаратур.

Пераехаўшы ў 1954 г. з Ленінграда ў Мінск, уладкавалася старшым выкладчыкам у педінстытут, а ў 1959 г. перайшла на працу ў Інстытут літаратуры імя Я. Купалы АН Беларусі, дзе з 1960 г. да выхаду на пенсію (1986) з'яўлялася старшым навуковым супрацоўнікам.

Валянціна Гапава выдала шэраг кніг: «Эліза Ажэшка. Жыццё і творчасць» (1969), «Зменлівае і спрадвечнае. Вопыт тыпалагічнага даследавання беларускай і польскай "вясковай прозы"» (1975), «Пімен Панчанка (Да 60-годдзя з дня нараджэння)» (1977), «Белорусско-русское поэтическое взаимодействие» (1979), «Перачытваючы "Спадчыну" Янкі Купалы» (1983).

Апрача пералічаных манаграфій даследчыца выступала з разнастайнымі публікацыямі ў калектыўных зборніках і перыядычных выданнях.

Сваімі здзяйсненнямі В. Гапава заваявала належны аўтарытэт не толькі ў беларускім навуковым асяроддзі, але і ў польскім. У 1984 г. польская літаратурная энцыклапедыя прысвяціла ёй асобны артыкул.

Памерла 14 студзеня 2003 года.

 

ЛІТАРАТУРА

1. Гапава Валянціна // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн, 1994. – Т. 2 : Верабей–Іваноў. – С. 114–115.

2. Казбярук, У. Плен творчых пошукаў Валянціны Гапавай / У. Казбярук // Роднае слова. – 2003. – № 1. – С. 40.