КАЛОДЗЕЖНЫ ЛЕАНІД ТРАФІМАВІЧ нарадзіўся 28 лютага 1935 года ў вёсцы Солаўе Аршанскага раёна ў сялянскай сям'і.

У 1951–1953 гг. вучыўся ў Віцебскім мастацка-графічным педвучылішчы, у 1954–1955 гг. служыў у Савецкай Арміі. У 1958–1960 гг. – супрацоўнік аршанскай раённай газеты «Ленінскі прызыў», з 1961 г. – мастак-афарміцель на Аршанскім ільнокамбінаце.

Першае апавяданне надрукаваў у 1958 годзе (літаратурна-мастацкі альманах «Дзвіна»), у 1967 годзе газета «Літаратура і мастацтва» апублікавала навелы «Падасінавікі» і «Жорсткасць». Аўтар кніг апавяданняў «Аўсяны звон» (1975) і «Бярозы ў жыце» (1981). У перыядычным друку пабачылі свет аповесці: «Буян» (1992), «Вечнасць дымоў» (1996), «Пад халодным небам» (1998) і інш.

Тэматычна творы Л. Калодзежнага звязаны переважна з жыццём вёскі. Апавяданні яго вытрыманы ў традыцыйнай для беларускай літаратуры рэалістычнай манеры з вельмі адчувальным адбіткам мяккага і адначасова стрыманага лірызму.

Памёр Леанід Трафімавіч 26 снежня 2003 года.

ЛІТАРАТУРА:

1. Ад жыцця і ад сэрца // Вёрсты пройдзенных дарог / І. А. Яршоў, В. М. Сіднякова. – Магілёў : Магілёўская друкарня,2003. – С. 149–155.

2. Жук, І. В. Калодзежны Леанід / І. В. Жук // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн, 1992. – Т. 3 : Івашын–Кучар. – С. 119.

3. Калодзежны Леанід Трафімавіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад.: Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 424.

4. Леанід Калодзежны // Беларускія пісьменнікі (1917–1990) : даведнік / склад. А. К. Гардзіцкі. – Мінск : Мастацкая літаратура, 1994. – С. 251.

5. Маркевіч, М. Здолеў сказаць харошае / М. Маркевіч // Народнае слова. – 2005. – 26 лют. – С. 7.

6. Маркевіч, М. Спадчына земляка / М. Маркевіч // Вiцебскі рабочы. – 2005. – 1 лют. – С. 3.

7. Маркевіч, М. «Табе ў жыцці трывог хапала…» / М. Маркевіч // Літаратура і мастацтва. – 2005. – 10 чэрв. – С. 15.

8. Салтук, А. Зямная мелодыя / А. Салтук // Вiцебскі рабочы. – 2005. – 26 лют. – С. 4.

9. У творчасці і сэрцах : Л. Калодзежны // Аршанская газета. – 2005. – 26 лют. – С. 2.