Казура Станіслаў Вінцэнтавіч нарадзіўся 2 жніўня 1881 года ў фальварку Тэклінаполь (зараз Пастаўскі раён) у сям'і багатага польскага шляхціца. Кампазітар, харавы дырыжор, педагог.

У 1910 годзе скончыў Варшаўскую кансерваторыю, акадэмію «Санта-Чэчыля» ў Рыме (1914), затым вучыўся ў Сарбоне (Парыж).

У 1914–1916 гг. быў харавым дырыжорам Варшаўскай філармоніі. З 1916 года выкладаў музычна-тэарэтычныя прадметы, спевы і харавое дырыжыраванне ў Варшаўскай кансерваторыі, дзе стварыў першы ў Польшчы факультэт, які рыхтуе настаўнікаў спеваў для агульнаадукацыйных школ. Напісаў падручнікі для агульнаадукацыйных і музычных школ.

У канцы 1910-х гг. арганізаваў хор «300 детей Повисля» (раён Варшавы), аратарыяльны хор Варшаўскай філармоніі, Польскую народную капэлу і інш. У 1940–1944 гг. выкладаў у Тайнай варшаўскай кансерваторыі. У 1945–1951 гг. – прафесар і рэктар Вышэйшай музычнай школы ў Варшаве. Аўтар харавых і вакальна-сімфанічных твораў. Яму належаць таксама оперы «Казка» («Bajka», 1916) і «Вяртанне» ( «Powrot», 1936), араторыі, сімфанічная паэма «Маладосць» і інш.

У канцы 20-х гадоў у в. Камаі Пастаўскага раёна С. В. Казура запісаў беларускія народныя песні, частку з іх апрацаваў для аматарскіх хароў і голаса сола, у тым ліку «Чырвоная калінанька», «Малады дубочак». roksa

Памёр Станіслаў Вінцэнтавіч 30 лістапада 1961 года. Пахаваны на могілках у Варшаве.

ЛІТАРАТУРА

1. Драўніцкі, І. Дырыжор, арганіст, кампазітар, публіцыст, педагог / І. Драўніцкі // Пастаўскі край. – 2012. – 6 лістап. – С. 4.

2. Казура Станіслаў // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 110–137.

3. Казура Станіслаў // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 83.

4. Казура Станіслаў // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад.: К. І. Козак, А. І. Кузняцоў ; рэд.-склад. Г. К. Кісялёў ; мастак Э. Э. Жакевіч. – Мінск : Белта, 2001. – С. 519.

5. Казуро Станислав // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 473.

6. От Постав до Варшавы... он прошёл этот путь – композитор, педагог, дирижер // Уроженцы Витебщины в художественной культуре стран близкого и дальнего зарубежья : монография / А. В. Русецкий, Ю. А. Русецкий. – Витебск : ВГУ имени П. М. Машерова, 2013. – С. 187–191.

7. Шумская, І. М. Прадстаўнікі беларускай музычнай культуры на Віленшчыне ў першай палове ХХ стагоддзя / І. М. Шумская // Беларускі гістарычны часопіс. – 2011. – № 3. – С. 28–33.