Кірылаў Герман Іларыёнавіч нарадзіўся 15 снежня 1937 года ў г. п. Шаркаўшчына. Член Саюза беларускіх пісьменнікаў (1991). Закончыў Шаркаўшчынскую сярэднюю школу (1954), аддзяленне журналістыкі філалагічнага факультэта Белдзяржуніверсітэта. Працаваў у раённай газеце, 2-м, 1-м сакратаром Шаркаўшчынскага райкама камсамола, намеснікам рэдактара мёрскай раённай газеты «Сцяг працы». 3 1 снежня 1965 года прызначаны намеснікам рэдактара полацкай газеты «Сцяг камунізму». 3 1976 па 1995 гг. працаваў уласным карэспандэнтам абласной газеты «Віцебскі рабочы» ў Полацку. 3 1995 па 1999 гг. – карэспандэнт шматтыражнай газеты «Трудавая змена» Полацкага вытворчага аб'яднання «Шкловалакно».

Друкуецца з 1974 года. У 1975 годзе ў часопісе «Беларусь» пабачыла свет апавяданне «Татава пілотка», у тым жа годзе ў часопіce «Маладосць» – апавяданне «Адажыо», у 1981 годзе (у скарачэнні) аповесць «Сонца твaix вачэй». У 1983 годзе ў выдавецтве «Мастацкая літаратура» выйшла першая кніжка апавяданняў «Падлётак». Большасць з ix – пра вайну. I гэта зразумела: аўтар належыць да таго пакалення, дзяцінства якога было абпалена вайной. У 1989 годзе ў выдавецтве «Мастацкая літаратура» выйшаў раман «Пах жыта» (кніга 1-я). За кнігу «Прысягнулі Беларусі» («Гарт») у 1997 годзе ўзнагароджаны прэміяй імя А. Адамовіча Беларускага ПЭН-цэнтра. У часопісе «Полымя» за 2000 год надрукавана аповесць «Піраміда».

Жыве ў Полацку.

ЛІТАРАТУРА

1. Кірылаў Герман // Пісьменнікі Віцебшчыны : даведнік / рэд. Ф. Сіўко. – Віцебск, 2001. – С. 43–44.

2. Кірылаў Герман Іларыёнавіч // Памяць: Шаркаўшчынскі раён : гісторыка-дакументальныя хронікі гарадоў і раёнаў Беларусі / рэдкал.: Л. М. Драбовіч [і інш.] ; уклад. Л. М. Лабачэўская ; мастак Э. Э. Жакевіч. – Мінск : Белта, 2004. – С. 436–437.

3. Кожан, К. Герману Кірылаву – 70 гадоў / К. Кожан // Клiч Радзiмы (Шаркаўшчына). – 2007. – 15 снеж. – С. 2.

4. Кожан, К. Літаратурны гарт / К. Кожан // Лiтаратура i мастацтва. – 2008. – 25 студз. – С. 7.

5. Наша родина здесь, над Дисною-рекой... = Our motherland is here over Disna river... : фотоальбом / [Отдел идеологической работы, культуры и по делам молодежи Шарковщинского районного исполнительного комитета]. – Новополоцк : О. В. Молодечкин, 2018. – 38 с.

6. Неўдах, Л. Яго завуць Герман / Л. Неўдах // Химик (Новополоцк). – 2006. – 2 марта. – С. 3.

7. Руплівец літаратурнай нівы... // Химик (Новополоцк). – 2002. – 13 дек. – С. 1.

8. Сіўко, Ф. Новых поспехаў, зямляк / Ф. Сіўко // Народнае слова. – 2002. – 14 снеж. – С. 4.

9. Сіўко, Ф. Яго творчасць праўда жыцця / Ф. Сіўко // Віцебскі рабочы. – 2002. – 14 снеж. – С. 5.