Кукуць Міледзій Мікалаевіч
Кукуць Міледзій Мікалаевіч нарадзіўся 27 чэрвеня 1953 года ў в. Вусаўцы Мёрскага раёна. Пісьменнік, паэт.
Вучыўся ў Наўгародскай васьмігодцы. Пасля заканчэння школы сям'я пераехала ў Шаркаўшчынскі раён. У 1968 годзе скончыў Шаркаўшчынскую сярэднюю школу і паехаў вучыцца ў г. Полацк на электраманцёра.
У 1989 годзе завочна скончыў Горацкую сельскагаспадарчую акадэмію, працаваў электрыкам, інжынерам-механікам, старшынёй калгаса, апошнім часам – начальнікам аддзела дзяржтэхнагляду Шаркаўшчынскага раённага выканаўчага камітэта, зараз на пенсіі.
З 2006 года – член Саюза пісьменнікаў Беларусі. У літаратуру М. Кукуць прыйшоў у сталым узросце. Вершаваныя і празаічныя творы друкаваў у раённых, абласных і рэспубліканскіх выданнях. Першая кніга аўтара «Адзін дзень і ўсё жыццё» выйшла ў 1997 годзе. Аўтар кніг «Чысціня душы» (2008), «На сёмым небе» (2013). У 2013 годзе з аповесцю «На сёмым небе» Міледзій Кукуць заняў другое месца ў Рэспубліканскім літаратурным конкурсе на лепшы літаратурны твор года ў намінацыі «Проза».
Вершы Міледзія Кукуця, у тым ліку і верш-прысвячэнне «Шаркаўшчынскі край», які стаў своеасаблівым гімнам раёна, апублікаваны ў калектыўным зборніку паэзіі «Шаркаўшчынскаму краю» (2002). У 2016 годзе ў калектыўны зборнік прозы сучасных беларускіх пісьменнікаў «Ева ў пошуках Адама» ўвайшла аповесць «У палоне кахання».
У 2018 годзе ўбачыла свет новая кніга М. Кукуця «У палоне кахання», у якую ўвайшлі дзве аповесці і апавяданне.
Міледзій Кукуць – лаўрэат ганаровага звання «Чалавек года Шаркаўшчыны».
ЛІТАРАТУРА
1. Берніковіч, Д. Міледзій Кукуць: «За ўсё ўдзячны лёсу» / Д. Берніковіч // Витебские вести. – 2015. – 4 апр. – С. 12.
2. Весялуха, М. Неба наблізіць / М. Весялуха // Літаратура і мастацтва. – 2014. – 5 верас. – С. 4.
3. Гальпяровіч, Н. Каласок ад роднай нівы / Н. Гальпяровіч // Літаратура і мастацтва. – 2018. – 29 чэрв. – С. 4.
4. Кукуць Міледзій Мікалаевіч // Дзвіна. Віцебшчына літаратурная : альманах / уклад. Т. І. Краснова-Гусачэнка. – Минск : Чатыры чвэрці, 2017. – С. 183–196.
5. Матэленак, Л. Усё з жыцця / Л. Матэленак // Міёрскія навіны. – 2019. – 19 сак. – С. 6.
6. Райчонак, С. Пясняр зямлі Шаркаўшчынскай / С. Райчонак // Кліч Радзімы (Шаркаўшчына). – 2018. – 14 ліп. – С. 3.
7. Райчонак, С. Родная мова гучыць у яго творах / С. Райчонак // Кліч Радзімы (Шаркаўшчына). – 2015. – 26 снеж. – С. 1–2.
8. Сосна, К. «Дарагую зямлю я з маленства люблю...» / К. Сосна // Кліч Радзімы (Шаркаўшчына). – 2008. – 24 снеж. – С. 4.
9. «Чысціня душы» // Віцьбічы = Витьбичи. – 2009. – 29 янв. – С. XV.
СПАСЫЛКІ
Э