Масла Алена Сцяпанаўна
Масла Алена Сцяпанаўна нарадзілася 14 красавіка 1967 года ў в. Мілашова Мёрскага раёна. Дзіцячая пісьменніца.
Пасля заканчэння Міёрскай сярэдняй школы № 2. Алена паступіла на факультэт журналістыкі Беларускага дзяржаўнага ўніверсітэта, які скончыла ў 1989 годзе.
Працавала фотакарэспандэнтам у газеце «Піянер Беларусі», рэдактарам газеты «Пераходны ўзрост», у часопісе «Арэлі», на радыё, загадчыкам рэдакцыі дзіцячай літаратуры ў выдавецтве «Мастацкая літаратура», галоўным рэдактарам часопіса «Бярозка».
Друкавацца пачала з 10 гадоў, дэбютавала ў часопісе «Бярозка». У 2005 годзе выйшла яе першая кніга.
Пісьменніца актыўна працуе ў жанры казкі. З'яўляецца аўтарам кніг і публікацый у перыядычных выданнях на тэму развіцця беларускай дзіцячай літаратуры. Яе кнігі «Рождество у крёстной: правдивые истории и немножко волшебства», «Таямніца закінутай хаты», «Вандроўка з божымі кароўкамі» адзначаны галоўным прызам бібліятэчнай асацыяцыі – дыпломамі чытацкіх сімпатый. Кніга «Першая прыгажуня» заняла першае месца ў нацыянальным конкурсе «Мастацтва кнігі». Творы Алены Масла перакладзены на ўкраінскую, сербскую мовы.
З 2011 года пісьменніца рэалізуе праект у роднай вёсцы «Мiлашоўска-Мiлашаўскiя чытаннi», які разлічаны на адметныя літаратурныя і гістарычныя мерапрыемствы.
Алена Сцяпанаўна – лаўрэат літаратурнай прэміі «Залаты купідон» у намінацыі «Дзіцячая літаратура» за зборнік казак «Першая прыгажуня», Міжнароднай літаратурнай прэміі В. Біянкі ў намінацыі «Казка» за кнігу «Балотныя прыгоды. Цікавінкі ад Бульбінкі і Журавінкі».
ЛІТАРАТУРА
1. Крук, Н. Казачніца XXI стагоддзя / Н. Крук // Міёрскія навіны. – 2010. – 6 лістап. – С. 2.
2. Масла, А. С. Дабро перамагае: закон жанру: размова пра ўсё-ўсё з Аленай Масла / А. Масла ; гутарыла М. Латышкевіч // Маладосць. – 2017. – № 5. – С. 18–23.
3. Матэленак, Л. Пераклічка талентаў / Л. Матэленак // Міёрскія навіны. – 2012. – 10 ліп. – С. 3.
4. Пятроўская, Т. Казкі для дзяцей і для дарослых: чароўныя творы Алены Масла / Т. Пятроўская // Маладосць. – 2017. – № 5. – С. 91–98.
5. Смірнова, Д. Месца казкі ў жыцці сучаснай літаратуры / Д. Смірнова // Літаратура і мастацтва. – 2020. – 26 чэрв. – С. 16.
6. Торбіна, І. «Казка – рухавік прагрэсу» / І. Торбіна // Віцьбічы = Витьбичи. – 2015. – 19 сент. – С. 11.
СПАСЫЛКІ
