Антон Параскевін (сапраўднае прозвішча Улюценка Віктар Васільевіч) нарадзіўся 22 лістапада 1949 года ў г. п. Шуміліна.

Скончыў Полацкае медыцынскае вучылішча (1971), Віцебскі дзяржаўны медыцынскі інстытут (1982), клінічную ардынатуру Віцебскага дзяржаўнага медыцынскага інстытута (1988).

З 2006 года – член Саюза журналістаў Беларусі, з 2010 года – член Саюза пісьменнікаў Беларусі.

Працаваў загадчыкам тэрапеўтычнага аддзялення Шумілінскай цэнтральнай раённай бальніцы. Зараз працуе ўрачом функцыянальнай дыягностыкі паліклінікі УАЗ «Шумілінская ЦРБ».

Займаецца краязнаўствам. Публікуецца ў рэспубліканскіх, абласных і мясцовых СМІ.

З 2003 года ўдзельнічаў у рабоце Рэспубліканскага экалагічнага форуму Рэспублікі Беларусь. Заняў 2 месца ў конкурсе на лепшую публікацыю ў намінацыі «Мой родны кут» (2003–2004, 2007).

Аўтар кніг: «Светлазор» (2008), «Аўгустоўская купель» (2010), «У краі каменных волатаў» (лепшы твор 2012 года ў галіне краязнаўства), «Камяні кажуць» (2013), «Камнецвет не увядает» (2016), «Валуны роднай старонкі» (2017), «По следам месяцеслова» (2018), «Месяцеслов благословенный» (2019); у суаўтарстве з У. Ільіным «Пяценка» (2008), «Праваслаўе на Шуміліншчыне: гады ганенняў» (2009), «Праваслаўе на Шуміліншчыне: мінулае і сучаснасць» (2009) і з Ф. Анапрыенкам «Волаты Прыобальскага краю» (2017).

Лаўрэат літаратурнай прэміяй імя П. Броўкі (2015).

Узнагароджаны: Ганаровым знакам «2000 год Хрысціянства», граматай Мітрапаліта Мінскага і Слуцкага, Патрыяршага Экзарха ўсяе Беларусі Філарэта, дыпломам лаўрэата Рэспубліканскага конкурсу на лепшую публікацыю па экалагічнай тэматыцы (2013, кніга «У краі каменных волатаў»), граматай «За шматгадовую плённую працу на ніве беларускай літаратуры і ў сувязі с 80-годдзем Саюза пісьменнікаў Беларусі» (2014), граматай Рэспубліканскага ГА «СПБ» у сувязі з 65-годдзем з Дня нараджэння (2014), дыпломам Рэспубліканскага ГА «СПБ» «За паспяховую творчую актыўнасць, грамадскую дзейнасць і з нагоды 500-годдзя беларускага кнігадрукавання» (2017), нагрудным знакам Рэспубліканскага ГА «СПБ» «За вялікія заслугі ў літаратуры» (2017).

У 2019 годзе занесены на Дошку Гонару Шумілінскага раёна за дасягненне найлепшых паказчыкаў па выніках работы за 2018 год.

ЛІТАРАТУРА

1. Дошка гонару Шумілінскага раёна // Герой працы (Шумiлiна). – 2019. – 30 крас. – С. 4–5.

2. Ермалаеў, С. Прэмія імя Петруся Броўкі – у Антона Параскевіна / С. Ермалаеў // Герой працы (Шумiлiна). – 2016. – 3 мая. – С. 1.

3. Канстанцінава, А. Дыплом за лепшы твор / А. Канстанцінава // Герой працы (Шумiлiна). – 2013. – 6 верас. – С. 1.

4. Мароз, М. Пад цёплым крылом дзяцінства / М. Мароз // Герой працы (Шумiлiна). – 2012. – 3 крас. – С. 5.

5. Мароз, М. Сын крыніцы і вольхі шэрай... / М. Мароз // Герой працы (Шумiлiна). – 2009. – 17 лістап. – С. 5.

6. Пятрова, А. Віктар Улюценка: «У кожнага на зямлі сваё прызначэнне» / А. Пятрова // Герой працы (Шумiлiна). – 2019. – 14 чэрв. – С. 1, 3.

7. Сакалоў, А. Узнагарода – шумілінскаму пісьменніку / А. Сакалоў // Герой працы (Шумiлiна). – 2017. – 26 верас. – С. 4.

СПАСЫЛКІ

 Улютенко Виктор Васильевич (Параскевин Антон). Нацыянальная лiтаратурная прэмiя 

 Віцебскае абласное аддзяленне ГА «Саюз пісьменнікаў Беларусі»