Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Пракаповіч Ігар Міхайлавіч

Дата нараджэння
09.12.1960
Месца нараджэння
Віцебская вобласць, Пастаўскі раён, г. Паставы
Род дзейнасці
пісьменнік

Пракаповіч Ігар Міхайлавіч нарадзіўся 9 снежня 1960 года ў г. Паставы, беларускі пісьменнік.

Маленства правёў у родным горадзе, але часта, асабліва ўлетку, наведваў Мядзельшчыну, Нарачанскі край – радзіму бацькоў. У 1985 годзе скончыў геаграфічны факультэт Беларускага дзяржаўнага ўніверсітэта. Працаваў настаўнікам у Апідамскай васьмігадовай школе, старшынёй Палескага сельскага Савета. 3 1986 года – настаўнік геаграфіі СШ № 1 г. Паставы і кіраўнік навуковага краязнаўчага таварыства школьнікаў «Ювента». Займаецца літаратурай, краязнаўствам, турызмам, педагогікай.

У 1994 годзе Ігар Міхайлавіч быў прыняты ў Саюз беларускіх пісьменнікаў. Працуе пераважна ў жанры паэзіі. Першая публікацыя (вершы «Няўтульная асенняя пара», «Гарыць агнём мой даўні лёс...», «I зноў настане дзень...») з'явілася ў пастаўскай раённай газеце «Звязда» 13 снежня 1986 года. Выдаў зборнікі вершаў: «Рэха малітваў» (1993), «Намагнічаны космас» (1996), «Шляхі наканаванага бязмежжа» (1999). За кнігу паэзіі «Рэха малітваў» атрымаў званне лаўрэата прэміі часопіса «Маладосць». Працуе таксама ў жанрах прозы, драматургіі, займаецца перакладамі. Аўтар шэрагу артыкулаў па гісторыі, тапаніміцы, культуры раёна («Старажытная гісторыя Пастаўшчыны», «Пастаўская воласць у сярэдзіне XIX стагоддзя», «Забыты шлях», «Што ў назве?», «3 роду фундатараў і мецэнатаў» і інш.). Адкрыў месца старажытнага паселішча каля возера Саранчаны і курганны могільнік каля в. Міхаліна.

Аўтар шэрагу вучэбных праграм, некалькіх навукова-педагагічных прац, у тым ліку: «Сістэма школьнага краязнаўства», «Методыка вывучэння роднага краю», «Геаграфічныя назвы мацерыкоў». Аўтар краязнаўчых кніг «Фізічная геаграфія Пастаўскага раёна» (1994), «Адкуль паходзяць назвы. Назвы рэк і азёр Пастаўскага раёна» (2000). Аўтар зборнікаў: «Рэха малітваў» (1993), «Намагнічаны космас» (1996), «Шляхі наканаванага бязмежжа» (1999), «Луска вечнасці» (2005), «Калядны ранак» (2007), «О Беларусь, мая шыпшына...» (2007) і іншыя. У 2014 годзе пабачыла свет невялічкая энцыклапедыя Пастаўшчыны – «Чароўны край – Пастаўшчына».

 

ЛІТАРАТУРА

1. Гальпяровіч, Н. Сціплая радасць жыцця Ігара Пракаповіча / Н. Гальпяровіч // Літаратура і мастацтва. – 2018. – 4 мая. – С. 5.

2. Гірвель, В. Верш–споведзь і верш–песня... / В. Гірвель // Народнае слова. – 2006. – 1 жн. – С. 4.

3. Гусаченко, Т. И. Прокопович Игорь Михайлович / Т. И. Гусаченко // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 376.

4. Заяц, І. Знаёмцеся – мой настаўнік Ігар Міхайлавіч Пракаповіч / І. Заяц // Голас Радзiмы. – 2006. – 9 лістап. – С. 6.

5. Касаткіна, Ф. Нагрудным знакам «Выдатнік адукацыі» / Ф. Касаткіна // Пастаўскі край. – 2018. – 17 кастр. – С. 1.

6. Мікола Пракаповіч // Беларускія пісьменнікі (1917–1990) : даведнік / склад. А. К. Гардзіцкі. – Мінск : Мастацкая літаратура, 1994. – С. 438.

7. Майсейчык, А. А. Пракаповіч Мікола / А. А. Майсейчык, Г. І. Рэут // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн, 1995. – Т. 5 : Пестрак–Сяўрук. – С. 38–40.

8. Пракаповіч, І. М. Бачыць перспектыву / І. М. Пракаповіч ; гутарыла М. Весялуха // Літаратура і мастацтва. – 2012. – 13 студз. – С. 7.

9. Пракаповіч, І. М. «Божа, як яны ігралі! Як пачнуць іграць – брат мой!» / І. Пракаповіч ; гутарыў У. Сауліч // Сельская газета. – 2018. – 14 апр. – С. 31.

10. Пракаповіч, І. М. «Інтэлігент – гэта той, хто клапоціцца пра нацыянальнае» / І. М. Пракаповіч ; гутарыла Ф. Касаткіна // Пастаўскі край. – 2013. – 20 лістап. – С. 3.

11. Пракаповіч Ігар Міхайлавіч // Памяць: Пастаўскі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад.: К. І. Козак, А. І. Кузняцоў ; рэд.-склад. Г. К. Кісялёў ; мастак Э. Э. Жакевіч. – Мінск : Белта, 2001. – С. 521–522.

12. Шпакоўская, Г. Калі радзіма натхняе / Г. Шпакоўская // Народнае слова. – 2008. – 4 студз. – С. 9.