Просты Пётра (Бобіч Ільдэфонс) нарадзіўся 22 студзеня 1890 года ў в. Дзедзіна Дзісенскага павета Віленскай губерні (зараз Мёрскі раён). Празаік, драматург, публіцыст, перакладчык.

Біяграфічныя звесткі пра П. Простага вельмі скупыя.

У 1909 годзе скончыў Ковенскую гімназію. У 1911–1913 гг. вучыўся ў Папскім універсітэце ў Рыме, у 1915 годзе скончыў Віленскую духоўную каталіцкую семінарыю.

Першае апавяданне «Слёзы» было апублікавана ў газеце «Наша Ніва» ў 1907 годзе. Таксама П. Просты друкаваўся ў газеце «Беларус», заходнебеларускіх выданнях «Наша думка», «Беларускія ведамасці».

Галоўная тэма яго творчасці – сацыяльная нядоля, бяспраўе і пакуты беларускага селяніна. Яго апавяданні – гэта своеасаблівыя лірычныя імпрэсіі, вершы ў прозе. Аўтар п'есы «Свякроўка» (не друкавалася), брашуры «Нашто беларусам газеты». Некаторыя празаічныя творы пісьменніка былі перакладзены на ўкраінскую мову.

Апошнія гады жыў у г. Іўе Гродзенскай вобласці. У 1944 годзе быў расстраляны нямецкімі акупантамі.

ЛІТАРАТУРА

1. Вабішчэвіч, Т. «Наша будучыня ў нашых руках»: літаратурная спадчына Пётры Простага ў кантэксце беларускага адраджэнскага руху пачатку ХХ ст. / Т. Вабішчэвіч // Роднае слова. – 2010. – № 1. – С. 7–11.

2. Говар, І. Пётра Просты спачывае ў Іўі / І. Говар // Літаратура і мастацтва. – 2010. – 12 лют. – С. 13.

3. Грыкень, Т. І. Святар. Пісьменнік. Асветнік. Ільдэфонс Бобіч / Т. Грыкень // Бібліятэчны свет. – 2018. – № 5. – С. 23–25.

4. Лебедзеў, У. А. Просты Пётра / У. А. Лебедзеў, Т. М. Махнач // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.]. – Мінск : БелЭн імя П. Броўкі, 1995. – Т. 5 : Пестрак–Сяўрук. – С. 57.

5. Саламевіч, І. У. Просты Пётра / І. У. Саламевіч // Энцыклапедыя літаратуры і мастацтва Беларусі : у 5 т. / рэдкал. І. П. Шамякін [і інш.]. – Мінск : БелСЭ імя П. Броўкі, 1987. – Т. 4 : Накцюрн–Скальскі. – С. 387.

6. Творцы першай хвалі: [Просты Пётра] // Міёрскія навіны. – 2017. – 30 мая. – С. 6.

7. Трацяк, І. І. Бобіч Ільдэфонс / І. І. Трацяк // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1996. – Т. 2 : Аршыца–Беларусцы. – С. 199.

8. Тышко, Я. Знакаміты зямляк / Я. Тышко // Міёрскія навіны. – 2013. – 15 студз. – С. 4.

9. Тышко, Я. Святар-пісьменнік з Дзедзіна / Я. Тышко // Міёрскія навіны. – 2004. – 6 ліп. – С. 3.

10. Шавыркін, М. Несці радасць / М. Шавыркін // Краязнаўчая газета. – 2014. – № 42 (лістап.). – С. 2.

СПАСЫЛКІ

 Пісьменнікі, паэты, літаратары Мёрскі раён