Пшчолка Аляксандр Раманавіч (псеўданім Белорусс, А. Крицкий). Празаік, публіцыст, этнограф. Нарадзіўся ў 1869 годзе ў в. Чарсцвяды ў сям'і дзяка. Скончыў Віцебскую духоўную семінарыю (1890). Служыў у Віцебску ў Маркавым манастыры (1890). Працаваў у сельскагаспадарчай школе, дзе выкладаў агародніцтва і садоўніцтва, народным настаўнікам у Арэхаўскай школе, выкладчыкам у лясным тэхнікуме. З 1907 года – у акруговым судзе г. Вільня, потым міравым суддзёй у Себежы, адвакатам пры Полацкім губернскім судзе ў г. п. Старая Таропа Калінінскай вобласці. Друкаваўся з 1898 года ў «Віцебскіх губернскіх ведамасцях», пазней у газетах «Сельский вестник», «Минское слово», «Белорусская жизнь» і інш.

Пісаў на беларускай і рускай мовах.

Выдаў больш за 10 кніг апавяданняў і нарысаў, дзе паказаў неўладкаванасць і бюракратызм мясцовых чыноўнікаў.

У этнаграфічных нарысах апісваў народныя звычаі і абрады Лепельшчыны («Дзяды», «Мікітавы хаўтуры», «Зажынкі і абжынкі», «Беларускія святы»).

Пад яго рэдакцыяй выдадзена паэма «Тарас на Парнасе».

Памёр Аляксандр Раманавіч Пшчолка ў 1943 годзе.

ЛІТАРАТУРА

1. Александровіч, С. Х. Пуцявіны роднага слова / С. Х. Александровіч. – Мінск : Выд-ва БДУ, 1971. – С. 117.

2. Александр Романович Пщелко // Периодическая печать Витебска / А. Подлипский. – Витебск : Витебская областная типография, 2001. – С. 34.

3. В. Стукалич, А. Пщёлка // Художественная культура Витебщины: Поозерье, Подвинье, Верхнее Поднепровье в контексте восточно-славянских и западно-европейских культурных процессов : монография / А. В. Русецкий, Ю. А. Русецкий. – Витебск : ВГУ им. П. М. Машерова, 2008. – С. 336–337.

4. Дарафееў, А. М. Гарадоцкая старонка з жыцця пісьменніка А. Пшолкі / А. М. Дарафееў // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 285–286.

5. Палукошка, В. І. Рускамоўная літаратура Беларусі канца XIX — пачатку XX стагоддзя / В. І. Палукошка // Весці Нацыянальнай акадэміі навук Беларусі. Серыя гуманітарных навук. – 2012. – № 2. – С. 107–112.

6. [Пщелко Александр Романович] // Книга в Витебске: книгоиздательство, библиотеки и книголюбы Витебска: дооктябрьский период / А. Подлипский. – Витебск : Витебская областная типография, 1999. – С. 29.

7. Пщелко Александр Романович // Республика Беларусь : в 6 т. / редкол.: Г. П. Пашков [и др.]. – Минск : БелЭн iмя П. Броўкi, 2008. – Т. 6 : Пейзаж–Снегирёв. – С. 339.

8. Пшчолка Аляксандр Раманавіч // Даследчыкі Полацка-Віцебскай даўніны XVI ст. – 1944 г. : даведнік / М. В. Півавар. – Віцебск : Віцебская абласная друкарня, 2006. – С. 100–101.

9. Пшчолка Аляксандр Раманавіч // Памяць: Ушацкі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад. М. М. Кірпіч ; мастак Э. Э. Жакевіч. – Мінск : Белта, 2003. – С. 59–60.