РАКІТА (ЗАКОННІКАЎ) СЯРГЕЙ ВАСІЛЬЕВІЧ нарадзіўся 15 кастрычніка 1909 года ў весцы Ліцвінава Дубровенскага раёна ў сялянскай сям’і.

У 1925 годзе скончыў Новатухінскую школу другой ступені. Будучы вучнем, пісаў даклады ў Аршанскую акруговую газету «Камуністычны шлях». У 1929 годзе накіраваны на работу ў рэдакцыю Гомельскай абласной газеты «Палеская праўда». З 1930 года з’яўляўся кіраўніком Гомельскай філіі БелАПП.

У 1932–1933 гг. служыў у Чырвонай Арміі. Працаваў у Мінску ў рэдакцыях газет, на Беларускім радыё, у Дзяржаўным выдавецтве БССР, адначасова вучыўся ў Камуністычным інстытуце журналістыкі імя С. М. Кірава.

Першы верш апублікаваны ў 1928 годзе ў часопісе «Аршанскі маладняк». У 1930 годзе выйшаў калектыўны зборнік «Разгон» (Гомель), у якім была змешчана нізка яго вершаў. Выдаў зборнік паэзіі «Я агітую за пяцігодку» (1934).

З 19 кастрычніка 1936 года рэпрэсіраваны. Прыгавораны да 10 гадоў зняволення ў лагерах. Працаваў на лесапавале ў Горкаўскай вобласці.

Памёр у лагеры 23 сакавіка 1942 года. Рэабілітаваны 29 снежня 1954 года пасмяротна.

ЛІТАРАТУРА

1. Асіпенка, В. Паэт трагічнага лёсу / В. Асіпенка // Дняпроўская праўда (Дуброўна). – 1999. – 16 кастр. – С. 2.

2. Багдановіч, І. Э. Ракіта Сяргей / І. Э. Багдановіч // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн, 1995. – Т. 5 : Пестрак–Сяўрук. – С. 134–135.

3. Паэт Сяргей Ракіта // Дняпроўская праўда (Дуброўна). – 1988. – 3 мая. – С. 3.

4. Пруднікаў, П. Паэт трагічнага лёсу / П. Пруднікаў // Полымя. – 1993. – № 2. – С. 211.

5. Ракіта Сяргей Васільевіч // Памяць: Дубровенскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: А. Я. Гаўруцікаў [і інш.] ; уклад.: А. Я. Гаўруцікаў, Р. П. Кахноўская ; мастак Э. Э. Жакевіч. – Мінск : Паліграфафармленне, 1997. – Кн. 1. – С. 515.

6. Ракіта Сяргей Васільевіч // Энцыклапедыя літаратуры і мастацтва Беларусі : у 5 т. / рэдкал.: І. П. Шамякін [і інш.]. – Мінск : БелЭн, 1985. – Т. 4 : Накцюрн–Скальскі. – С. 482.

7. Стукалава, В. Сяргей Ракіта / В. Стукалава // Дняпроўская праўда (Дуброўна). – 1994. – 17 снеж. – С. 2.

8. Сяргей Ракіта // Беларускія пісьменнікі (1917–1990) : даведнік / склад. А. К. Гардзіцкі. – Мінск : Мастацкая літаратура, 1994. – С. 457–458.

9. Шушкевіч, С. Паэт-агітатар першых пяцігодак / С. Шушкевіч // Літаратура і мастацтва. – 1969. – 17 кастр. – С. 3.