Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Шашкоў Алесь (Аляксандр) Андрэевіч

Дата нараджэння
03.01.1923
Месца нараджэння
Віцебская вобласць, Чашніцкі раён, в. Раманоўшчына
Дата смерці
2015
Род дзейнасці
пісьменнік
удзельнік Вялікай Айчыннай вайны
Гады творчасці
з 1947
Узнагароды і прэміі
ордэн Чырвонай Зоркі
ордэн Айчыннай вайны I ступені
медалі

Шашкоў Алесь (Аляксандр) Андрэевіч нарадзіўся 3 студзеня 1923 года ў в. Раманоўшчына Чашніцкага раёна ў сялянскай сям'і.

Спачатку Алесь вучыўся ў Замацкай васьмігадовай, потым – у Чашніцкай сярэдняй школе. Пасля яе заканчэння ў 1941 годзе быў прызваны ў Савецкую Армію. Удзельнік Вялікай Айчыннай вайны. Удзельнічаў у баях на Заходнім, 1-м Прыбалтыйскім і 2-м Беларускім франтах. Быў двойчы паранены. У 1946 годзе накіраваны на вучобу ў Рыжскае вышэйшае ваенна-палітычнае вучылішча, але не скончыў яго, бо быў камісаваны.

Пасля дэмабілізацыі (1947) – адказны сакратар Чашніцкай раённай газеты «Сцяг сацыялізма». У 1950 годзе скончыў Рэспубліканскую партыйную школу пры ЦК КПБ і стаў працаваць у газеце «Звязда». Творчую працу пачаў у 1947 годзе з нарысаў.

Працаваў у рэдыкцыях газет «Сталінскі воін», «Звязда», рэдактарам аддзела часопіса «Калгаснік Беларусі».

У 1954–1957 гг. – рэдактар аддзела часопіса «Калгаснік Беларусі». Скончыў Вышэйшыя літаратурныя курсы ў Маскве (1959), завочна – Літаратурны інстытут імя М. Горкага (1961). Працаваў адказным сакратаром рэдакцыі газеты «Літаратура і мастацтва», старшым рэдактарам на Беларускім радыё, галоўным рэдактарам у Міністэрстве культуры БССР, загадчыкам рэдакцыі ў выдавецтве «Народная асвета».

Працаваў адказным сакратаром рэдакцыі газеты «Літаратура і мастацтва», старшым рэдактарам на беларускім радыё, галоўным – у Міністэрстве культуры БССР, загадчыкам рэдакцыі выдавецтва «Народная асвета».

Першыя публікацыі ў рэспубліканскім друку – нарыс «Апошнія пракосы», змешчаны ў газеце «Звязда». Асобнымі выданнямі выйшлі кнігі «Змена» (1951), «Абуджэнне» (1955), «На рачных плёсах» (1956), «Ранняй вясной» (1957), «На вадзе і такое здараецца» (1966), «Белы камень», «Лань – рака лясная» (1979), раманы «Навальніца спее ў цішыні» (1969), «Спытай сваё сэрца» (1972). Тэматыка твораў і кніг Алеся Шашкова разнастайная. У іх – тэмы перажытага на вайне, пасляваеннага жыцця вёскі, складанасць і непаўторнасць чалавечых характараў.

У апошнія гады Алесь Шашкоў жыў у Мінску, але не забываў пра сваю малую радзіму.

Узнагароджаны ордэнам Чырвонай Зоркі, ордэнам Айчыннай вайны I ступені і медалямі.

Памёр Алесь Шашкоў у 2015 годзе.

 

ЛІТАРАТУРА

1. Выдающиеся имена Отечества – уроженцы Чашникского района // Чашникский район : справочно-информационные материалы / отв. за вып. Т. В. Пчелкина. – Витебск : Витебская областная типография, 2008. – С. 9–10.

2. Гаючым водарам Радзімы / подгот. И. Торбина // Чырвоны прамень (Чашнікі). – 2013. – 27 жн. – С. 5.

3. Дзеячы культуры і навукі – ураджэнцы Чашніччыны // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 138–149.

4. Міхно, У. На родным беразе / У. Міхно // Чырвоны прамень (Чашнiкi). – 2005. – 16 ліп. – С. 3.

5. Стукалава, Н. Алесь Шашкоў / Н. Стукалава // Чырвоны прамень (Чашнікі). – 2019. – 3 студз. – С. 5.

6. Торбіна, І. Пісьменнік-ветэран Алесь Шашкоў / І. Торбіна // Чырвоны прамень (Чашнікі). – 2010. – 12 мая. – С. 3.

7. Шашкоў Алесь // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 456–457.

 

СПАСЫЛКІ

arrow Известный и неизвестный Алесь Шашков