Шмань Генадзь Якаўлевіч нарадзіўся ў 1931 годзе ў в. Бяскатава Гарадоцкага раёна. Беларускі пісьменнік, журналіст.

Пасля заканчэння школы працаваў у рэдакцыі газеты «Віцебскі рабочы». У гэты час пачалася яго літаратурная дзейнасць. У 1961 годзе скончыў Вышэйшыя літаратурныя курсы Саюза пісьменнікаў СССР.

Зборнікі вершаваных і празаічных твораў на рускай і беларускай мовах: «С добрым утром» (1958), «Жывое срэбра» (1960), «Колос на ладони» (1963), «Сундуковские гостинцы» (1965), «Седой Федька» (1968), «Солнечные кони» (1986), «Журавинка» (1990).

З 1961 года жыў у Туле. У 1962–1969 гг. працаваў у рэдакцыі газеты «Камунар».

У 1969–1971 гг. – рэдактар Упраўлення кінафікацыі Тульскага абласнога выканаўчага камітэта.

У 1987–1990 гг. – загадчык бюро прапаганды мастацкай літаратуры.

Памёр Генадзь Якаўлевіч 10 сакавіка 1999 года.

ЛІТАРАТУРА

1. Шмань Генадзь Якаўлевіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 721.