Шнэйдар Анатоль Антонавіч – журналіст, краязнаўца, кінарэжысёр.

Член Саюза журналістаў СССР (1991), член Беларускай асацыяцыі клубаў ЮНЕСКА.

Нарадзіўся 13 кастрычніка 1930 года ў в. Парэчча Талачынскага раёна. Скончыў Азярэцкую сямігодку, Аршанскі тэхнікум чыгуначнага транспарту (1951), аддзяленне журналістыкі Мінскай вышэйшай партыйнай школы. Працаваў чыгуначнікам на Пермшчыне.

З 1965 года – кіраўнік кінастудыі «Летапіс» пры Талачынскім раённым Доме культуры.

Прадстаўляў Беларусь на 48-м Міжнародным кінафестывалі і 45-м кангрэсе УНІКА-86.

У 1988 годзе ўдзельнічаў у 16-м Сусветным фестывалі шырокаэкраннага кіно.

У газеце «Піянер Беларусі» з'явілася яго першае апавяданне «Сустрэча». Яму належыць больш за 300 публікацый па краязнаўстве, гісторыі, мастацтве і літаратуры ў перыядычных выданнях Беларусі і каля 100 кінавідэастужак.

Адзін з аўтараў кніг: «Памяць: гісторыка-дакументальная хроніка Талачынскага раёна», «Друцк і Барысаў», зборніка літаратурных твораў «Зямное прыцягненне».

Аўтар кніг: «Талачын: гісторыка-эканамічны нарыс» (1983), «Мая Талачыншчына: старонкі гісторыі» (2006), «Сінявокая Талачыншчына» (2009), «Зямля над Друццю і Абалянкай» (2015).

Сярод кінастужак: «Друць», «Старажытныя паркі», «Жыві, крыніца жыві».

Рэжысёр фільмаў: «Маналог драматурга», «1000-годдзе Друцка», «Родны край» і кінатрылогіі «Боль мая – вёска», у якую ўвайшлі фільмы «Паміраючая вёска», «Кінутая вёска», «Вёска, якой няма». На VIII Нацыянальным кінафестывале трылогія ўдастоена дыплома журы «За грамадзянскую пазіцыю, мужнасць і спачуванне», прыза «За лепшы фільм VIII кінафестываля», а таксама дыплома і прыза аргкамітэта фестываля «За творчы ўклад у рух кінааматарства ў Рэспубліцы Беларусь».

Пра кінааматара і краязнаўцу Анатоля Шнэйдара рэжысёр Вольга Дашук стварыла поўнаметражны фільм «Кінааматар. Восеньскі сон», зняты на кінастудыі «Беларусьфільм».

У 2010 годзе прысвоена званне ۫۫«Ганаровы грамадзянін Талачынскага раёна».

ЛІТАРАТУРА

1. Бірукоў, В. Краязнаўца, кінарэжысёр, журналіст / В. Бірукоў // Віцебскі рабочы. – 2000. – 12 кастр. – С. 2.

2. Корниенко, М. Краеведческий материал всегда в центре внимания / М. Корниенко // Наша Талачыншчына. – 2006. – 11 кастр. – С. 2.

3. Королев, М. Архивист времени / М. Королев // Наша Талачыншчына. – 2013. – 12 студз. – С. 3.

4. Мазур, А. Летапісец роднага краю / А. Мазур // Народнае слова. – 2005. – 9 чэрв. – С. 8.

5. Маліноўскі, М. Заўсёды побач творчасць і праца / М. Маліноўскі // Наша Талачыншчына. – 2005. – 12 кастр. – С. 3.

6. Маліноўскі, М. Краязнаўца і Ганаровы грамадзянін / М. Маліноўскі // Краязнаўчая газета. – 2010. – № 38 (кастр.). – С. 2.

7. Творчасць не ведае ўзросту // Сцяг Iльiча (Талачын). – 2000. – 11 кастр. – С. 2, 4.

8. Цімошык, Л. Кінааматар як летапісец / Л. Цімошык // Звязда. – 2012. – 1 снеж. – С. 6.

9. Шалахоўскі, А. Ён піша гісторыю Талачына / А. Шалахоўскі // Лiтаратура i мастацтва. – 2006. – 14 ліп. – С. 12.

10. Шпакоўская, Г. Талачынскі летапісец / Г. Шпакоўская // Витебские вести. – 2015. – 6 авг. – С. 21.