Скапа Уладзімір Рыгоравіч нарадзіўся 5 студзеня 1935 года ў в. Сукрэмна Сенненскага раёна ў сялянскай сям'і. Беларускі журналіст.

У 1948 годзе скончыў чатыры класы Сукрэмнінскай пачатковай школы. У 1954 годзе скончыў Сенненскую беларускую сярэднюю школу № 1 з сярэбраным медалём.

У 1954–1959 гг. вучыўся на факультэце журналістыкі Беларускага дзяржаўнага ўніверсітэта імя Леніна. На пятым курсе стаў супрацоўнікам рэдакцыі газеты Упраўлення прафтэхадукацыі рэспублікі «Рабочае юнацтва» на беларускай мове.

У 1959–1965 гг. працаваў у сенненскай і талачынскай раённых газетах. Галоўны рэдактар талачынскай раённай газеты «Сцяг Ільіча».

У 1965–1983 гг. – уласны карэспандэнт, адказны сакратар, намеснік рэдактара газеты «Віцебскі рабочы». У 1983–1995 гг. – галоўны рэдактар газеты «Віцебскі рабочы». Амаль дзесяць гадоў ён узначальваў Віцебскую абласную журналісцкую арганізацыю.

Вялікі ўклад унёс у распрацоўку тэматыкі нацыянальнага адраджэння, гісторыка-культурнай спадчыны Прыдзвіння. Аўтар і сааўтар кніг па гісторыі Віцебшчыны, рэдактар-складальнік кнігі «"Віцебскі рабочы" – 80 год», аўтар кнігі «Сянно: гісторыка-эканамічны нарыс» (1978). Пад уласным імем і псеўданімамі Ул. Бярозка і В. Собаль апублікаваў сотні артыкулаў пра жыццё і творчасць вядомых літаратараў, ураджэнцаў Віцебшчыны.

Узнагароджаны ордэнам Працоўнага Чырвонага Сцяга, медалямі.

Памёр 19 студзеня 1999 года.

ЛІТАРАТУРА

1. Бандарэвіч, В. Ад селькора – да рэдактара / В. Бандарэвіч // Голас Сенненшчыны. – 2013. – 4 мая. – С. 4.

2. Лазука, І. Е. Скапа Уладзімір Рыгоравіч / І. Е. Лазука // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С. 552–553.

3. Мазур, А. Талент дабрыні / А. Мазур // Віцебскі рабочы. – 2001. – 18 студз. – С. 2.

4. Мазур, А. Талент чалавека i творцы / А. Мазур // Сцяг Iльiча (Талачын). – 2000. – 20 снеж. – С. 2.

5. Пухом земля тебе, Владимир Григорьевич // Пусть память останется... : сборник некрологов о жителях и уроженцах Витебска / сост. и вступ. статья А. М. Подлипского. – Витебск : Витебская областная типография, 2015. – С. 83–84.

6. Салтук, А. Чалавечнасць / А. Салтук // Вiцебскі рабочы. – 2005. – 3 снеж. – С. 2.

7. Скапа Уладзімір Рыгоравіч // Яны нарадзіліся на Сенненшчыне : біяграфічны даведнік / склад. А. В. Бараноўскі. – Віцебск : ВДУ імя Машэрава, 2016. – С. 120–121.

8. Скапа, У. Ад селькора да рэдактара / У. Скапа // Голас Сенненшчны. – 1998. – 30 крас. – С. 3–5.

9. Скапа Уладзімір Рыгоравіч // Краязнаўцы Віцебшчыны другой паловы XX – пачатку XXI ст. : біябібліяграфічны даведнік / Мікалай Півавар. – Мінск : Кнігазбор, 2010. – С. 261–262.