Трафімава Галіна Уладзіміраўна нарадзілася 4 снежня 1960 года ў г. Оршы. У 1977 годзе скончыла сярэднюю школу № 5 і паступіла ў Віцебскі педагагічны інстытут імя С. М. Кірава. Скончыўшы ў 1982 годзе педагагічны інстытут з адзнакай, пачала працоўны шлях настаўнікам Аршанскай школы-інтэрната.

З 1985 г. працавала метадыстам гарадскога аддзела адукацыі. У гэты час метадычныя распрацоўкі Г. У. Трафімавай па біялогіі і артыкулы з вопыту работы маладога спецыяліста пачынаюць з’яўляцца на старонках навукова-метадычных часопісаў «Біялогія ў школе», «Пачатковая школа» і інш.

У 1995 г. выйшлі дзве кнігі Г. У. Трафімавай, якія яна напісала ў сааўтарстве з Т. Л. Атрошчанка. Гэта «Таямніцы ў школьным ранцы», і «Уводзіны ў школьнае жыццё» – дапаможнік да новага курса, які ўводзіўся з 1 верасня 1995 года ў пачатковых класах. Менавіта з 1995 года і пачалася пісьменніцкая дзейнасць Галіны Уладзіміраўны Трафімавай.

У 1997 годзе сумесна з мужам Сяргеем Анатольевічам Трафімавым была распрацавана і апублікавана праграма «Здаровы лад жыцця» для вучняў 1–4 класаў.

Адначасова Галіна Уладзіміраўна працавала над хрэстаматыямі «Секреты и диковинки окружающего мира», «Тайны близкие и далекие» для пачатковых класаў школ Расійскай Федэрацыі, якія працуюць па сістэме Л. У. Занкова.

У 2001 годзе Галіна Уладзіміраўна стала пераможцам Міжнароднага конкурса «Л. В. Занков и дидактика ХХІ века» за кнігу «Секреты и диковинки окружающего мира».

У 2001 годзе пісьменнікі Трафімавы пачалі працаваць над комплексам дапаможнікаў па прадмеце «Навакольны свет» для 1–4 класаў, якія працуюць па праекце «Перспективная начальная школа (ПНШ)». Дадзены камплект дапаможнікаў у 2006 годзе стаў лаўрэатам галоўнай прэміі «Новае ў навуцы, тэхналогіі і адукацыі».

Літаратурнай дзейнасцю Г. У. Трафімавай зацікавілася прадстаўніцтва ААН у Беларусі і фонд ЮНЕСКА. У ходзе гэтага супрацоўніцтва быў напісаны і выдадзены шэраг кніг для дзяцей і дарослых па прафілактыцы СНІДу, палавому і маральнаму выхаванню.

За ўвесь творчы перыяд Галіна Уладзіміраўна Трафімава разам з мужам Сяргеем Анатольевічам напісалі больш за 130 кніг, сярод якіх падручнікі, дапаможнікі, навукова-пазнавальная літаратура для дзяцей і кнігі для бацькоў.
З 2009 года – член ГА «Саюз пісьменнікаў Беларусі».

У 2010 годзе Галіна Уладзіміраўна і Сяргей Анатольевіч Трафімавы сталі дыпламантамі рэспубліканскага конкурсу ў намінацыі «Дзіцячая літаратура».

У 2013 годзе лаўрэаты першай абласной літаратурнай прэміі імя П. Броўкі.

ЛІТАРАТУРА

1. Гамм, Э. Находка для почемучек / Э. Гамм // Віцебскі рабочы. – 2012. – 13 кастр. – С. 7.

2. Гатоўская, Л. Унікальны друкаваны сувенір / Л. Гатоўская // Віцебскі рабочы. – 2012. – 1 верас. – С. 4.

3. Комаровский, Н. За жизнь без опасности / Н. Комаровский // Телеком-экспресс (Орша). – 2011. – 12 мая. – С. 9.

4. Кулаков, С. Детские книги / С. Кулаков // Віцебскі рабочы. – 2011. – 24 сент. – С. 6.

5. Кутынко, А. Отвечать на вопросы юных «почемучек» – огромный труд и удовольствие / А. Кутынко // Народнае слова. – 2010. – 16 кастр. – С. 3.

6. Лютынскі, В. «Буквар Аршанскі»: для дзяцей і дарослых / В. Лютынскі // Настаўніцкая газета. – 2015. – 7 лют. – С. 14.

7. Марыніна, М. Цябе ўслаўляем, роднае слова! / М. Марыніна // Аршанская газета. – 2013. – 31 жн. – С. 6.

8. Наумова, А. Сказочно интересно / А. Наумова // Гарадоцкі веснік. – 2016. – 19 сак. – С. 8.

9. Пастернак, Т. Первые лауреаты премии Петруся Бровки / Т. Пастернак // Народнае слова. – 2013. – 26 сак. – С. 8.

10. Пашковіч, В. Свет душы і таленту / В. Пашковіч // Аршанская газета. – 2011. – 20 студз. – С. 1.

11. Политова, Ж. Книги эти читать – новый мир для себя открывать / Ж. Политова // Телеком-экспресс (Орша). – 2014. – 10 апр. – С. 29.

12. Пульянова, И. Книги оршанского автора / И. Пульянова // Вiцебскі рабочы. – 2006. – 27 ліп. – С. 15.

13. Сямашка, М. Неразгаданыя таямніцы ў кнігах землякоў / М. Сямашка // Аршанская газета. – 2011. – 3 верас. – С. 3.

14. Хітрова, А. Аршанскі буквар / А. Хітрова // Настаўніцкая газета. – 2012. – 16 жн. – С. 1.

15. Шкрабо, Е. Галина и Сергей Трафимовы: ни месяца без книги / Е. Шкрабо // Телеком-экспресс (Орша). – 2011. – 20 окт. – С. 3.

16. Шкрабо, Е. Оршанские авторы на Международном книжном форуме / Е. Шкрабо // Телеком-экспресс (Орша). – 2009. – 5 марта. – С. 7.

17. Шпаковская, Г. Букварь для оршанских первоклассников написали местные авторы супруги Трафимовы / Г. Шпаковская // Народнае слова. – 2012. – 13 окт. – С. 7.

18. Шутава, В. Дзесяць кніжак Галіны і Сяргея Трафімавых / В. Шутава // Народнае слова. – 2009. – 19 лют. – С. 15.

19. Якавенка, А. З добрым словам да землякоў / А. Якавенка // Літаратура і мастацтва. – 2011. – 18 лістап.– С. 2.

20. Янкоўская, Н. Пісьменнікі Галіна і Сяргей Трафімавы – гонар Аршанскай зямлі / Н. Янкоўская // Бібліятэчны свет. – 2016. – № 5. – С. 18–19.