Цвярскі Аляксандр Давыдавіч
Цвярскі Аляксандр Давыдавіч нарадзіўся 12 красавіка 1924 года ў Віцебску ў сям'і ўрача. Пісьменнік, паэт, перакладчык, сцэнарыст.
У 1941 годзе скончыў школу, у 1944 годзе – ваеннае вучылішча. Удзельнік Вялікай Айчыннай вайны, камандзір узвода разведкі ў складзе 70-й арміі 2-га Беларускага фронту.
Пасля вайны вучыўся ў Ваеннай акадэміі, але не скончыў яе. Пачаў займацца літаратурнай працай.
У 1955 годзе скончыў філалагічны факультэт Маскоўскага дзяржаўнага ўніверсітэта імя М. В. Ламаносава. Некалькі гадоў працаваў у рэдакцыі «Піянерскай праўды». З 1960 года – член Саюза пісьменнікаў СССР.
Асноўная тэма творчасці – інтэрнацыяналізм і дружба народаў. Раман «Песня над Басфорам» вытрымаў 7 выданняў. Аповесць «Турэцкі марш» прысвечана падзеям, якія адбываліся ў Віцебску ў гады Вялікай Айчыннай вайны. Шмат часу аддаваў грамадскай дзейнасці, быў членам Савета па дзіцячай і юнацкай літаратуры Саюза пісьменнікаў Расіі, членам Савета па беларускай літаратуры, членам праўлення Савета ветэранаў вайны – маскоўскіх пісьменнікаў.
Памёр Аляксандр Давыдавіч 10 лютага 1990 года.
ЛІТАРАТУРА
1. Цвярскі Аляксандр Давыдавіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 542.
СПАСЫЛКІ
