Варатынская Галіна Аляксандраўна нарадзілася 21 студзеня 1953 года ў в. Ваўчо Ушацкага раёна. У 1970 годзе скончыла Ушацкую сярэднюю школу. Старшакласніцай стала пісаць вершы, публікаваць іх у раённай газеце. У 1980 годзе скончыла завочна Беларускі дзяржаўны ўніверсітэт. 3 1972 да 1974 гг. працавала бібліятэкарам Арэхаўскай сельскай бібліятэкі. 3 1974 года, больш за 40 гадоў, працавала ва ўшацкай раённай газеце «Патрыёт».

Піша вершы, з года ў год удасканальвае сваё майстэрства. У 1995 годзе выйшаў зборнік яе вершаў «3 будзённасці ўзляцець...». У 1996 годзе адбылася прэзентацыя кнігі ва Ушацкай ЦРБ імя Е. Я. Лось. У прадмове да новай кнігі вершаў паэтэсы «Не спужайце снегіра» пісьменнік Ф. Сіўко напісаў «...Добрыя, спелыя вершы...».

Г. А. Варатынская піша вершы, прысвечаныя сваёй малой радзіме – Ушаччыне:

«І глыбінна, і мудра, і шчыра

Над Ушачамі восень плыве

У журавоў на абветраных крылах,

Абвяшчаючы волю журбе.

Дакрануся паглядам да птушак,

Кіну лёгкі свой сум з-пад рукі

Гэта нашы адчайныя душы

Над Радзімай выводзяць кругі».

З'яўляецца старшынёй раённай Рады рэспубліканскага грамадскага аб'яднання «Таварыства беларускай мовы імя Францыска Скарыны», узначальвае літаратурнае аб'яднанне пры ўшацкай раённай газеце, а таксама клуб творчых сустрэч пры раённым Доме культуры.

ЛІТАРАТУРА

1. Варатынская Галіна Аляксандраўна // Памяць: Ушацкі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў [і інш.] ; уклад. М. М. Кірпіч ; мастак Э. Э. Жакевіч. – Мінск : Белта, 2003. – С. 550.

2. Варатынская Галіна // Пісьменнікі Віцебшчыны : даведнік / рэд. Ф. Сіўко. – Віцебск : Віцебская абласная друкарня, 2001. – С. 24–25.

3. Гальпяровіч, Н. З паэтычнага краю / Н. Гальпяровіч // Літаратура і мастацтва. – 2018. – 21 снеж. – С. 4.

4. Канапелька, А. Галіна Варатынская / А. Канапелька // Народнае слова. – 2001. – 14 жн. – С. 5.

5. Пашковіч, А. Струны тонкія душы / А. Пашковіч // Патрыёт (Ушачы). – 2008. – 19 студз. – С. 4.

6. Сіўко, Ф. «Галінка з дрэва спадчыннай Ушаччыны» / Ф. Сіўко // Народнае слова. – 2003. – 8 лют. – С. 5.

7. Цялятка, А. Сябры павіншавалі паэтэсу / А. Цялятка // Віцебскі рабочы. – 1996. – 9 студз. – С. 2.