Васілёнак Сяргей Іванавіч нарадзіўся 23 верасня 1902 года ў в. Запруддзе Сенненскага павета Магілёўскай губерні (зараз – Сенненскага раёна Віцебскай вобласці) у сялянскай сям'і.

Літаратуразнаўца, гісторык літаратуры, фалькларыст.

У 1929 годзе скончыў Беларускі дзяржаўны ўніверсітэт (БДУ). Працаваў у Віцебскім (1932–1934) і Магілёўскім педінстытутах. У 1940 годзе абараніў кандыдацкую дысертацыю, з 1941 года – дацэнт.

Удзельнік Вялікай Айчыннай вайны. У 1940–1960 гг. выкладаў беларускую літаратуру і фальклор у Маскоўскім універсітэце, потым у Гомельскім педінстытуце.

Складальнік зборніка «Беларускі эпас» (разам з М. Грынблатам і К. Кабашнікавым), хрэстаматыі для ВНУ «Вусна-паэтычная творчасць беларускага народа» (з I. Гутаравым). Вывучаў гісторыю старажытнай беларускай літаратуры і фальклору.

Памёр 15 красавіка 1982 года ў Маскве.

ЛІТАРАТУРА

1. Гарэлік, Л. М. Васілёнак Сяргей / Л. М. Гарэлік. // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн імя П. Броўкі, 1992. – Т. 1 : Абуховіч–Ватацы. – С. 534–535.

2. Васілёнак Сяргей Іванавіч // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С. 538.

3. Васілёнак Сяргей Іванавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 57.

4. Васілёнак Сяргей Іванавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 35.