Васілёнак Яўген Пятровіч нарадзіўся 26 снежня 1917 года ў Оршы ў сям’і чыгуначніка. Сярэднюю адукацыю атрымаў у Аршанскай чыгуначнай школе. У 1934–1935 гг. вучыўся ў Магілеўскім педагагічным інстытуце на літаратурным факультэце. Працаваў у Шклоўскай раённай газеце «Прамень камунізму», у рэдакцыях раённых і гарадскіх газет Барысава, Багушэўска, Оршы. У 1939 г. накіраваны на журналісцкую працу на Далёкі Усход (працаваў у Хабараўску, Усурыйску, Уладзівастоку). У 1943–1945 гг. – у радах Савецкай Арміі, служыў у рэдакцыі дывізійнай газеты «Баец-патрыёт», у 1945–1948 гг. – карэспандэнт маскоўскай газеты «Гудок» у Алма-Аце. З 1948 г. жыў у Мінску, працаваў рэдактарам БелТА, карэспандэнтам газеты «Труд» па Беларускай ССР, загадчыкам аддзела публіцыстыкі часопіса «Маладосць». У 1958–1966 гг. – галоўны рэдактар часопіса «Нёман».

Першыя вершы апублікаваў у 1936 г., потым прозу ў 1939 г. Выйшлі зборнікі аповесцей і апавяданняў «Зялёныя агні» (1954), «Прызванне» (апавяданні і нарысы, 1956.), «Таццяна Ларына» (1964) і інш. Перакладаў на беларускую мову творы рускіх пісьменнікаў і асобныя творы пісьменнікаў замежных краін.

Узнагароджаны медалямі.

Памёр 23 верасня.1973 года.

ЛІТАРАТУРА

1. Васілёнак Яўген Пятровіч // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн, 1992. – Т. 1 : Абуховіч–Ватацы. – С. 535.

2. Васілёнак Яўген Пятровіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 421.

3. Васілёнак Яўген Пятровіч // Энцыклапедыя літаратуры і мастацтва Беларусі : у 5 т. / рэдкал.: І. П. Шамякін (гал. рэд.) [і інш.]. – Мінск : БелЭн, 1984. – Т. 1 : Акапэла–Габелен. – С. 582.

4. Канцавенка, І. Журналіст і пісьменнік – Яўген Васілёнак / І. Канцавенка // Аршанская газета. – 2007. – 18 кастр. – С. 3.

5. Карнялюк, К. Яго самае важнае адкрыццё / К. Карнялюк // Літаратура і мастацтва. – 2008. – 15 лют. – С. 15.

6. На строме часу // Вёрсты пройдзеных дарог / І. А. Яршоў, В. М. Сіднякова. – Магілёў : Магілёўская друкарня, 2003. – С. 113–119.

7. Яршоў, І. Вялікая Айчынная вайна ў творах літаратараў Оршы і Аршаншчыны / І. Яршоў // Телеком-экспресс (Орша). – 2009. – 25 июня. – С. 7.

8. Яўген Васілёнак // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.] ; маст. рэд. В. Г. Загародні. – Мінск : БелЭн, 1992. – Т. 1 : Абуховіч–Ватацы. – С. 96.