Воранаў Мікола (Мікалай Гаўрылавіч) нарадзіўся 13 снежня 1936 года ў в. Віры Гарадоцкага раёна. Беларускі пісьменнік.

У 1952 годзе скончыў Азяркоўскую сямігодку. Працаваў у леспрамгасе, Задзвінскай МТС.

Восенню 1955 года быў прызваны ў армію, служыў у ВМФ на Балтыцы. Пасля дэмабілізацыі быў супрацоўнікам суражскай, аршанскай, сенненскай раённых газет, незадоўга да выхаду на пенсію працаваў у шаркаўшчынскай раённай газеце «Кліч Радзімы».

Літаратурнай працай пачаў займацца ў 1952 годзе. Яго вершы і замалёўкі друкаваліся ў часопісе «Савецкі марак», газетах «Страж Балтыкі», «Савецкі флот».

Першае апавяданне «Прымак» апублікавана ў 1963 годзе ў газеце «Віцебскі рабочы». Выйшлі зборнікі апавяданняў і аповесцей: «Ветраны дзень» (1976), «Перад адлігай» (1984). Сярод іншых твораў: аповесці «Завея» (1979), «Вадалазы», апавяданні «Чалавек з дарогі», «Цёплая восень» (1981), «Сястра чакае» (1982), «Раннія замаразкі» (1983), «Суседзі» (1984) і іншыя.

З 1978 года – член Саюза беларускіх пісьменнікаў.

Аўтар шматлікіх публікацый у абласной і рэспубліканскай перыёдыцы.

Апавяданні Міколы Воранава перакладаліся на рускую, украінскую, балгарскую, чувашскую мовы.

Жыў у г. п. Шаркаўшчына.

Памёр Мікалай Гаўрылавіч 23 студзеня 2005 года.

ЛІТАРАТУРА

1. Воранаў Мікалай Гаўрылавіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 718.

2. Воранаў Мікола (Мікалай Гаўрылавіч) // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1997. – Т. 4 : Варанецкі–Гальфстрым. – С. 272.

3. Воранаў Мікола (Мікалай Гаўрылавіч) // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2011. – Т. 2 : Б–Г. – С. 391.

4. Воранаў Мікола // Пісьменнікі Віцебшчыны : даведнік / рэд. Ф. Сіўко. – Віцебск : Віцебская абласная друкарня, 2001. – С. 26–27.

5. Воронов Микола // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 275.

6. Воронов Микола // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 2 : А–Герань. – С. 809.

7. Савік Л. С. Воранаў Мікола / Л. С. Савік // Беларускія пісьменнікі : біябібліяграфічны слоўнік : у 6 т. / рэдкал.: І. Э. Багдановіч [і інш.]. – Мінск : БелЭн імя П. Броўкі, 1993. – Т. 2 : Верабей–Іваноў. – С. 50–52.

8. Салтук, А. Праўда жыцця / А. Салтук // Віцебскі рабочы. – 2001. – 15 снеж. – С. 3.

9. Скапа, У. Шчыра, даверліва, задушэўна / У. Скапа // Віцебскі рабочы. – 1996. – 13 снеж. – С. 4.

СПАСЫЛКІ

 Воранаў Мікалай Гаўрылавіч. Нашы землякі. Городокская сеть публичных библиотек