Жыгуноў Алесь (Жыгуноў Аляксандр Міхайлавіч) нарадзіўся 27 лютага 1954 года ў в. Тройца Шклоўскага раёна Магілёўскай вобласці. Паэт, член Саюза беларускіх пісьменнікаў з 1982 г.

3 сялянскай сям'і. Скончыў Старасельскую пачатковую, потым – Навабрашчынскую сярэднюю школы (1970).

Працаваў дырэктарам клуба ў в. Баркі Шклоўскага раёна. У 1971–1976 гг. вучыўся на філалагічным факультэце БДУ. У 1976–1980 гг. быў настаўнікам беларускай мовы і літаратуры ў Чарневіцкай сярэдняй школе Глыбоцкага раёна, пасля працаваў карэспандэнтам-арганізатарам Глыбоцкага раённага радыё, карэспандэнтам раённай газеты «Веснік Глыбоччыны».

Жыве ў Глыбокім, працуе настаўнікам.

Першыя вершы надрукаваў у 1973 г. у газеце «Чырвоная змена». Падборкі вершаў сустракаюцца пазней на старонках часопісаў «Полымя», «Маладосць», газет «Літаратура і мастацтва», «Чырвоная змена», «Настаўніцкая газета», «Віцебскі рабочы».

У зборніках «Матчына вышыванка», «Мая Тройца» адчуваецца моцная сувязь з роднай зямлёй, з бацькоўскім домам. Жыццё ў тым запаветным куточку, дзе ўкараніўся яго род, паэт ведае не з кніг. Непрыдуманыя постаці вяскоўцаў, іх быт, складаныя ўзаемаадносіны і перажыванні ўваходзяць у паэзію А. Жыгунова натуральна і нязмушана.

Глыбокім лірызмам і празрыстасцю вылучаюцца вершы паэта пра каханне.

Піша таксама для дзяцей.

З'яўляецца членам Віцебскага абласнога аддзялення ГА «Саюз пісьменнікаў Беларусі».

ЛІТАРАТУРА

1. Алесь Жыгуноў // Беларускія пісьменнікі (1917–1990) : даведнік / склад. А. К. Гардзіцкі. – Мінск : Мастацкая літаратура, 1994. – С. 209.

2. Жигунов Алесь // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 429.

3. Жыгуноў Алесь // Пісьменнікі Віцебшчыны : даведнік / рэд. Ф. Сіўко. – Віцебск, 2001. – С 33–34.

4. Жыгуноў, А. Алесь Жыгуноў: «Лірычнага паэта натхняе прыгажосць» / А. Жыгуноў ; гутарыла Д. Берніковіч // Народнае слова. – 2011. – 18 жн. – С. 10.

5. Жыгуноў, А. Вершы напісаны, быццам «гуляючы» / А. М. Жыгуноў ; гутарыў У. Сауліч // Віцебскі рабочы. – 2011. – 20 окт. – С. 16.

6. Жыгуноў, А. Ураджайная ніва Алеся Жыгунова / А. Жыгуноў ; гутарыў У. Бацкалевіч // Літаратура і мастацтва. – 2012. – 18 мая. – С. 4.

7. Зінкевіч, А. «За плячыма мама і Айчына» / А. Зінкевіч // Веснік Глыбоччыны. – 2010. – 8 верас. – С. 4.

8. Зінкевіч, А. У творчым палёце / А. Зінкевіч // Веснік Глыбоччыны. – 2012. – 1 верас. – С. 5.

9. Капшуль, Г. Алесь Жыгуноў – лаўрэат рэспубліканскага конкурсу «Залатое пяро–2011» / Г. Капшуль // Веснік Глыбоччыны. – 2012. – 5 мая. – С. 2.

10. Салтук, А. Пагаварыце з ім пра ўсё / А. Салтук // Вiцебскi рабочы. – 2006. – 8 жн. – С. 4.

11. Сіўко, Ф. З самім сабой не размінуцца / Ф. Сіўко // Народнае слова. – 2004. – 28 лют. – С. 8.