Бадзягін Уладзімір Іванавіч нарадзіўся 5 сакавіка 1934 года ў Віцебску. Беларускі спартсмен (пяцібор'е) і трэнер па футболе. Заслужаны трэнер БССР (1982).

У 1958 годзе скончыў Беларускі інстытут фізічнай культуры.

З 1958 года працаваў трэнерам добраахвотнага спартыўнага таварыства «Чырвоны сцяг», з 1960 года – старшы трэнер.

З 1975 года – начальнік футбольнай каманды «Дзвіна» (Віцебск).

Адзін з арганізатараў і дырэктар Віцебскай абласной СДЮШАР «Дзвіна».

Уладзімір Бадзягін – чэмпіён II Спартакіяды БССР па сучасным пяцібор'і (1956).

Падрыхтаваў больш за 25 футбалістаў у розныя каманды, шэраг гульцоў – у зборныя юнацкія каманды СССР і БССР. Сярод выхаванцаў чэмпіён СССР Г. П. Кандрацьеў.

Памёр 11 лютага 2002 года.

З 2002 года ў Віцебску праводзіцца Міжнародны юнацкі турнір па футболе памяці У. І. Бадзягіна.

ЛІТАРАТУРА

1. Бодягин Владимир Иванович // Профессиональные союзы Беларуси : энциклопедия : в 2 т. / редкол.: Л. П. Козик [ и др.]. – Минск, 2011. – Т. 1 : А–М. – С. 330.

2. Плысов, В. Первый турнир памяти Бодягина / В. Плысов // Віцьбічы = Витьбичи. – 2002. – 18 окт. – С. 4.