Баранава (Салдатава) Святлана Іосіфаўна нарадзілася 2 лютага 1940 года ў Віцебску. Беларуская спартсменка. Майстар спорту СССР міжнароднага класа.

У 1961 годзе скончыла Беларускі інстытут фізічнай культуры (зараз – Беларускі дзяржаўны ўніверсітэт фізічнай культуры).

Чэмпіёнка V летняй Спартакіяды народаў СССР. Сярэбраны прызёр чэмпіянату свету 1962 года ў камандным заліку ў складзе зборнай каманды СССР, III летняй Спартакіяды народаў СССР 1963 года ў асабістым і камандным заліках, Сусветнай Універсіяды 1961 года ў камандным заліку, першынстваў СССР у камандным (1960, 1964, 1965) і асабістым (1963) заліках. Бронзавы прызёр Кубка СССР 1968 года ў асабістым заліку.

У 1972–1989 гг. – трэнер добраахвотнага спартыўнага таварыства «Прафсаюзы».

ЛІТАРАТУРА

1. Солдатова (Баранова) Светлана Иосифовна // Спортивная энциклопедия Беларуси / редкол.: Г. П. Пашков [и др.]. – Минск : БелЭн им. П. Бровки, 2005. – С. 403.