Далідовіч Сяргей Мікалаевіч нарадзіўся 18 мая 1973 г. у Оршы, беларускі спартсмен, лыжнік. Пераможца этапу Кубка свету, удзельнік шасці Алімпіяд (1994–2014) і дванаццаці чэмпіянатаў свету (1995–2017). Спецыяліст дыстанцыйных гонак, аддае перавагу вольнаму стылю перамяшчэння на лыжах.

На Кубку свету Далідовіч дэбютаваў у 1993 годзе, у сакавіку 2001 года атрымаў сваю першую, і адзіную, перамогу на этапе Кубка свету. Акрамя перамогі на сённяшні момант мае 1 пападанне ў тройку лепшых на этапах Кубка свету. Лепшым дасягненнем Далідовіча ў агульным выніковым заліку Кубка свету з'яўляецца 31-е месца ў сезоне 2000–2001 гг.

На Алімпіядзе 1994 года ў Лілехамеры быў 37-м у гонцы на 30 км вольным ходам, 70-м у гонцы на 10 км класікай, 51-м у гонцы праследавання і 12-м у эстафеце.

На Алімпіядзе 1998 года ў Нагана заняў 36-е месца ў гонцы на 30 км класікай, 31-е месца ў гонцы на 50 км каньком і 14-е месца ў эстафеце, акрамя таго стартаваў у гонцы на 10 км, але не дабраўся да фінішу.

На Алімпіядзе 2002 года ў Солт-Лэйк-Сіці стартаваў у трох гонках: масстарт 30 км – 14-е месца, праследаванне 10 + 10 км – не фінішаваў, эстафета – 15-е месца.

На Алімпіядзе 2006 года ў Турыне заняў 12-е месца ў масстарце на 50 км.

На Алімпіядзе 2010 года ў Ванкуверы стартаваў у чатырох гонках: 15 км вольным ходам – 35-е месца, дуатлон 15 + 15 км – не фінішаваў, камандны спрынт – не фінішаваў, масстарт 50 км – 25-е месца.

На Алімпіядзе 2014 года ў Сочы заняў 5-е месца ў масстарце на 50 км.

За сваю кар'еру прымаў удзел у 12 чэмпіянатах свету (1995–2017), на якіх выходзіў на старт у 34 дысцыплінах. Лепшы вынік – 4-е месца ў скіятлоне на 30 км на чэмпіянаце свету 2011 года ў Халменколене. На гэтым чэмпіянаце Сяргей Далідовіч у масстарце на 50 км упэўнена ішоў у групе лідэраў і фактычна прэтэндаваў на прызавое месца, але за некалькі метраў да фінішу ўпаў і зламаў палку, у выніку чаго фінішаваў толькі 10-м.

ЛІТАРАТУРА

1. Дымов, Р. На весенней лыжне / Р. Дымов // Витебский проспект. – 2013. – 11 апр. – С. 22.

2. Камоцкий, В. Виктор Камоцкий: Завьялов нам поможет / В. Камоцкий ; беседовала Е. Данильченко // Спортивная панорама. – 2013. – 14 июня. – С. 12.