Каныгін Ігар Уладзіміравіч
Каныгін Ігар Уладзіміравіч нарадзіўся 6 чэрвеня 1956 года ў г. Лентварыс Тракайскага раёна (Літва). Беларускі спартсмен класічнага (грэка-рымскага) стылю.
У 1961 годзе сям'я пераехала ў г. Віцебск. У 1988 годзе Ігар Уладзіміравіч скончыў Віцебскі педагагічны інстытут імя С. М. Кірава. З 1991 года з'яўляецца трэнерам Віцебскай школы вышэйшага спартыўнага майстэрства (зараз – спецыялізаваная вучэбна-спартыўная ўстанова «Віцебскі абласны комплексны Цэнтр алімпійскага рэзерву»). З 1996 года з'яўляецца членам Віцебскага клуба па грэка-рымскай барацьбе. Зараз займае пасаду дырэктара Віцебскага абласнога Цэнтра алімпійскага рэзерву па адзінаборствах.
Пераможца і прызёр міжнародных і ўсесаюзных спартыўных спаборніцтваў. Сярэбраны прызёр XXII летніх Алімпійскіх гульняў 1980 года. Чэмпіён свету па барацьбе 1981 і 1983 гг., бронзавы прызёр чэмпіянату свету па барацьбе 1982 года, сярэбраны прызёр чэмпіянату свету па барацьбе 1985 года. Чэмпіён Еўропы па барацьбе 1980, 1982, 1983 і 1985 гг., сярэбраны прызёр чэмпіянату Еўропы па барацьбе 1984 года. Чэмпіён СССР па барацьбе 1980, 1982, 1984 і 1987 гг. Пераможца міжнародных спаборніцтваў «Дружба-84» па грэка-рымскай барацьбе. Неаднаразовы пераможца Кубка свету.
Майстар спорту СССР, майстар спорту СССР міжнароднага класа. Заслужаны майстар спорту СССР.
Узнагароджаны ордэнам Дружбы народаў, медалем «За працоўную доблесць».
Жыве ў Віцебску. Штогод у горадзе праводзіцца Міжнародны турнір па грэка-рымскай барацьбе на прызы Ігара Каныгіна, які з'яўляецца фінальным этапам фарміравання нацыянальнай каманды для ўдзелу на чэмпіянатах свету.
ЛІТАРАТУРА
1. Бакевич, Э. За награды пришлось побороться / Э. Бакевич // Віцебскі рабочы. – 2009. – 10 нояб. – С. 8.
2. Быньков, А. Любовь окрыляла на победы / А. Быньков // Витебские вести. – 2015. – 12 марта. – С. 3.
3. Быньков, А. Тот самый Каныгин / А. Быньков // Народнае слова. – 2011. – 25 жн. – С. 16.
4. Быньков, А. Триумф Игоря Каныгина / А. Быньков // Народнае слова. – 2009. – 5 лістап. – С. 16.
5. Голесник, С. Жизнь есть борьба. И не только греко-римская / С. Голесник // Віцьбічы = Витьбичи. – 2002. – 18 июля. – С. 7.
6. Игорь Каныгин // Витебщина Олимпийская / сост.: В. В. Быньков [и др.] ; фото: А. В. Хитров, Г. Н. Семенов, П. П. Рябухин. – Доп. изд. – Витебск : Витебская областная типография, 2011. – С. 94–99.
7. Каныгин, И. «Нельзя жить былыми заслугами. Надо уметь побеждать каждый день» / И. Каныгин ; беседовала Т. Пастернак // Народнае слова. – 1999. – 16 кастр. – С. 6.
8. Каныгин, И. В. «Вспоминая молодость, выхожу на ковер» / И. В. Каныгин ; беседовал А. Быньков // Витебские вести. – 2016. – 20 авг. – С. 11.
9. Каныгин Игорь Владимирович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 3 : Герасименко–Картель. – С. 868.
10. Каныгин Игорь Владимирович // Спортивная энциклопедия Беларуси / редкол.: Г. П. Пашков [и др.]. – Минск : БелЭн им. П. Бровки, 2005. – С. 214–215.
11. Каныгин Игорь Владимирович // Энциклопедия белорусского физкультурно-спортивного общества «Динамо» : 1923–2013 / сост.: А. А. Мушта, Е. И. Павловский ; редкол.: Т. В. Белова [и др.]. – Минск : БелЭн імя П. Броўкі, 2013. – С. 254.
12. Каныгін Ігар Уладзіміравіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1999. – Т. 8 : Канто–Кулі. – С. 16–17.
13. Каныгін Ігар Уладзіміравіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 530.
14. Конохов, Д. Быть чемпионом... / Д. Конохов // Віцьбічы = Витьбичи. – 2015. – 21 марта. – С. 16.
15. Плысов, В. Победы Игоря [Владимировича] Каныгина / В. Плысов // Віцьбічы = Витьбичи. – 2006. – 6 июня. – С. 7.
СПАСЫЛКІ
Белорусская федерация борьбы – Каныгин Игорь Владимирович
Общество «Динамо» Каныгин Игорь Владимирович
Выдающийся спортсмен Игорь Каныгин
