Кінунен (Дубарэзава) Настасся Віктараўна
Кінунен (Дубарэзава) Настасся Віктараўна нарадзілася 14 сакавіка 1985 года ў г. Гарадок. Беларуская біятланістка, лыжніца, удзельніца Алімпійскіх гульняў у Ванкуверы ў лыжных гонках.
У лыжным Кубку свету Дубарэзава Настасся дэбютавала ў кастрычніку 2007 года, тады ж першы раз трапіла ў 30-ку лепшых на этапе Кубка свету, у эстафеце. Усяго мае на сваім рахунку 3 пападанні ў 30-ку лепшых на этапах Кубка свету ў камандных спаборніцтвах.
У сезоне 2009–2010 гг лепшы вынік у агульным заліку Кубка свету – 123-е месца.
На Алімпійских гульнях 2010 года ў Ванкуверы прымала ўдзел у чатырох гонках: спрынт – 42-е месца, дуатлон – 53-е месца, эстафета – 10-е месца, мас-старт на 30 км – 44-е месца.
Па заканчэнні сезона 2009–2010 гг. перайшла з лыжных гонак у біятлон. У біятлонным Кубку свету Дубарэзава дэбютавала ў снежні 2010 года, у сакавіку 2011 года ў першы раз трапіла ў ачковую зону на этапе Кубка свету, заняўшы 40-е месца ў спрынце. Па выніках сезона 2010–2011 гг. заняла 96-е месца ў агульным заліку Кубка свету.
У сезоне 2011–2012 гг. ужо на 3-м этапе Кубка свету ў Хахфільцэне ўпершыню ў кар'еры трапіла на кветкавую цырымонію, заняўшы 10-е месца ў спрынтарскай гонцы. На 4 этапе ў Аберхофе ў спрынтарскай гонцы заняла 7-ю пазіцыю, не дапусціўшы ніводнага промаху. На першай у сезоне гонцы з масавым стартам заняла 10-е месца.
У сезоне 2016–2017 гг. на этапах Кубка свету ў гонцы праследавання заняла 54-е месца, а ў спрынтарскай гонцы – 44. У Эстэрсундзе ў спрынце заняла 101-е месца, а ў індывідуальнай гонцы – 72.
У сезоне 2017–2018 гг. на этапах Кубка IBU у спрынтарскіх гонках ў Брэзна заняла 22-е і 53-е месцы.
Двухкратная чэмпіёнка Фінляндыі па біятлоне 2018 года ў эстафеце і мас-старце, чэмпіёнка Фінляндыі 2019 года ў спрынце.
ЛІТАРАТУРА
1. Дуборезова, А. Анастасия Дуборезова: Наша жизнь – один большой сериал / А. Дуборезова ; беседовал Д. Анацко // Спортивная панорама. – 2012. – 2 нояб. – С. 3.
2. Дуборезова, А. Анастасия Дуборезова: Не отступать перед трудностями / А. Дуборезова ; беседовала И. Купрейчик // Спортивная панорама. – 2013. – 21 февр. – С. 2.
3. Дуборезова, А. От сбора до сбора. Анастасия Дуборезова: Не чувствую, что год олимпийский / А. Дуборезова ; беседовал Д. Анацко // Спортивная панорама. – 2013. – 5 июля. – С. 11.
4. Дуборезова, А. Путь от Городка до Ванкувера / А. Дуборезова ; беседовала О. Масловская // Віцебскі рабочы. – 2010. – 6 марта. – С. 5.
5. Дуборезова, А. Спортивная нация – здоровая нация / А. Дуборезова ; беседовал А. Захаров // Гарадоцкі веснік. – 2009. – 14 лют. – С. 8.
6. Захаров, А. Заслуженный успех Анастасии Дуборезовой / А. Захаров // Гарадоцкі веснік. – 2012. – 14 студз. – С. 1.
7. Симонова, Л. Настя подарила радость Городку / Л. Симонова // Гарадоцкі веснік. – 2010. – 6 сак. – С. 4.
8. Яковлева, С. Настя, мы с тобой! / С. Яковлева // Гарадоцкі веснік. – 2014. – 8 лют. – С. 1.
СПАСЫЛКІ
