Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Лангіна (Захарава) Антаніна Леанідаўна

Дата нараджэння
07.07.1959
Месца нараджэння
Віцебская вобл., Аршанскі р-н, г. Орша
Род дзейнасці
спартсменка
Від спорту
шашкі
Спартыўнае званне
Майстар спорту СССР (МС) (1989)
Спартыўныя дасягненні
Чэмпіянат свету 2003 года (Санкт-Пецярбург) – 1 месца
Чэмпіянат свету 2005 года (Днепрадзяржынск) –1 месца
Узнагароды і прэміі
знак «Выдатнік спартыўнай культуры і спорту»

Лангіна (Захарава) Антаніна Леанідаўна нарадзілася 7 ліпеня 1959 г. у Оршы – адна з наймацнейшых шашыстак сучаснасці.

Займацца шашкамі стала ў 12-гадовым узросце. І адразу стала чэмпіёнкай Оршы, а затым і Віцебскай вобласці сярод дзяўчынак. Займалася самастойна, таму што ў горадзе не было трэнераў па шашках.

Антаніна была неаднаразовай чэмпіёнкай вобласці па рускіх і стаклетачных шашках сярод жанчын, пяцікратнай чэмпіёнкай Беларусі па рускіх шашках сярод жанчын, бронзавым прызёрам Кубка СССР 1989 года ў складзе каманды Беларусі, бронзавым прызёрам чэмпіянату СССР 1990 года сярод прафсаюзаў, пераможцай і прызёрам буйных усесаюзных і міжнародных турніраў. У 1989 годзе ёй было прысвоена званне майстра спорту СССР.

У 1994 годзе Антаніну запрасіў у Санкт-Пецярбург Уладзімір Лангін – заслужаны трэнер Расіі, заслужаны майстар спорту Расіі, (потым і муж).

За «пецярбургскі» перыяд Антаніна Лангіна стала 11-кратнай чэмпіёнкай горада па рускіх і стаклетачных шашках сярод жанчын, была неаднаразовай чэмпіёнкай і прызёрам чэмпіянатаў Расіі па рускіх шашках у асабістым і камандным заліках, сярэбным прызёрам чэмпіянату свету 2002 года па версіі МАРШ (Самара), чэмпіёнкай свету 2003 года (асноўная праграма, Санкт-Пецярбург) і 2005 года (хуткая гульня, Днепрадзяржынск) па шашках 64, чэмпіёнкай і прызёрам чэмпіянатаў Еўропы сярод клубных каманд, у складзе каманд «Ззянне Поўначы», «Клуб імя Чыгорына». Антаніна – гросмайстар Расіі, міжнародны гросмайстар.

Удала склалася і яе прафесійная дзейнасць. Антаніна Леанідаўна закончыла Мінскі радыётэхнічны інстытут і адзінаццаць гадоў працавала на Віцебскім тэлевізійным заводзе. Удзельнічала ў стварэнні касмічнага карабля шматразовага выкарыстання «Буран». Два гады была спартсменам-інструктарам, членам нацыянальнай зборнай па шашках у Дзяржкамспорце РБ.

З 2004 года працуе загадчыцай аддзялення шашак у СДЮШАР па шахматах і шашках ў Санкт-Пецярбургу, інструктарам-метадыстам, трэнерам-выкладчыкам па шашках. Распрацавала праграму падрыхтоўкі шашыстаў у СДЮШАР. Падрыхтавала шмат высокакваліфікаваных спартсменаў. У тым ліку пераможцаў і прызёраў першынстваў Расіі, Еўропы, свету – Віктара Ягорава і Кацярыну Іванову, а таксама маладое пакаленне – Марыю Крыскевіч, Дзмітрыя Мельнікава, Андрэя Усманава.

Пры непасрэдным удзеле Антаніны Леанідаўны ў 2008 годзе была адкрыта спецыялізацыя «шашкі» ў Санкт-Пецярбургскім універсітэце фізічнай культуры імя П. Ф. Лесгафта. Яна распрацавала вучэбна-метадычны комплекс падрыхтоўкі бакалаўраў па дысцыпліне «Тэорыя і методыка выбранай спецыялізацыі – шашкі».

На працягу многіх гадоў Антаніна Леанідаўна праводзіць вялікую працу па развіцці і папулярызацыі любімага віду спорту. Яна з'яўляецца адказным сакратаром Федэрацыі шашак Санкт-Пецярбурга, узначальвае кваліфікацыйную і дзіцячую камісію.

Пры яе непасрэдным удзеле ў Санкт-Пецярбургу кожны год праводзяцца гарадскія, міжнародныя спаборніцтвы па шашках, розныя спартыўна-масавыя мерапрыемствы. Яна – міжнародны арбітр. За вялікі ўклад у развіццё шашак узнагароджана знакам «Выдатнік спартыўнай культуры і спорту».

 

СПАСЫЛКІ

arrow Оршанский региональный портал. Антонина Лонгина (Захарова)

arrow Орша – город мой. Лонгина (Захарова) Антонина Леонидовна