Лебедзева Галіна Міхайлаўна нарадзілася 17 ліпеня 1976 года ў Віцебску. Беларуская спартсменка. Майстар спорту СССР, майстар спорту Рэспублікі Беларусь міжнароднага класа. Заслужаны майстар спорту Рэспублікі Беларусь.

Чэмпіёнка свету 2003 года ў сінхронных скачках на батуце. Сярэбраны прызёр чэмпіянату свету на батуце 1994 года ў сінхронных скачках, 1996 года – у камандных спаборніцтвах і сінхронных скачках, 1998 года – у камандных спаборніцтвах. Бронзавы прызёр чэмпіянату свету 1996 года ў індывідуальных скачках, 1999 года – у камандных спаборніцтвах, 2001 года – у сінхронных скачках.

Чэмпіёнка Еўропы 1997 года ў індывідуальных скачках, 1998 года – у камандных спаборніцтвах, 2000, 2002 і 2004 гг. – у сінхронных скачках. Сярэбраны прызёр чэмпіянату Еўропы па скачках на батуце 1995 і 1997 гг. у камандных спаборніцтвах, 1998 года – у індывідуальных і сінхронных скачках. Бронзавы прызёр чэмпіянату Еўропы па скачках на батуце 1993 года ў камандных спаборніцтвах, 1995 і 2002 гг. – у індывідуальных скачках. Сярэбраны прызёр Кубка свету 1995 года ў сінхронных скачках, 1997 года – у індывідуальных і сінхронных скачках. Сярэбраны прызёр Сусветных гульняў 1997 года ў сінхронных скачках.

З 1992 года працавала інструктарам нацыянальнай каманды Рэспублікі Беларусь па скачках на батуце.

ЛІТАРАТУРА

1. Лебедева Галина Михайловна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 31–32.

2. Лебедева Галина Михайловна // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2007. – Т. 4 : Картография–Миноговые. – С. 419.

3. Лебедева Галина Михайловна // Спортивная энциклопедия Беларуси / редкол.: Г. П. Пашков [и др.]. – Минск : БелЭн им. П. Бровки, 2005. – С. 250.

4. Лебедзева Галіна Міхайлаўна // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 531.

СПАСЫЛКІ

 Королева спорта. Галина Лебедева