Міхневіч (Хароненка) Наталля Валер'еўна нарадзілася 25 мая 1982 г. у г. Нявіннамыск, Стаўрапольскі край, Расія. Беларуская штурхальніца ядра. Заслужаны майстар спорту Рэспублікі Беларусь (2008).

Займацца лёгкай атлетыкай Наталля пачала ў 5 класе ў пасёлку Высокае Аршанскага раёна. Займалася адразу некалькімі відамі, але лепш за ўсё ў яе атрымлівалася штурханне.

Трапіўшы ў 14 гадоў на рэспубліканскія спаборніцтвы, яна звярнула на сябе ўвагу вядомага спецыяліста Людмілы Канстанцінаўны Нічыпарчык, якая запрасіла спартсменку ў Мінскае вучылішча алімпійскага рэзерву.

У 1999 годзе сямнаццацігадовая спартсменка трапляе на юніёрскі чэмпіянат свету ў Польшчы, дзе займае другое месца і сярэбраны медаль.

У 2000 годзе на чэмпіянаце свету сярод юніёраў Наталля становіцца трэцяй. У 2001 годзе яна становіцца чэмпіёнкай Еўропы сярод юніёраў, а ў 2003 – пераможцай маладзёжнага еўрапейскага чэмпіяната.

Пасля гэтага Наталля Міхневіч пераходзіць у дарослы спорт і ўваходзіць у нацыянальную зборную па лёгкай атлетыцы.

ЛІТАРАТУРА

1. Быньков, А. Наши олимпийские надежды / А. Быньков // Народнае слова. – 2012. – 10 крас. – С. 6.

2. Дынкин, С. Успех Натальи Хороненко / С. Дынкин // Витебский курьер. – 2003. – 29 июля. – С. 4.

3. Наталья Михневич (Хоронеко) // Витебщина Олимпийская / сост. В. В. Быньков [и др.] ; фото: А. В. Хитров, Г. Н. Семенов, П. П. Рябухин. – Доп. изд. – Витебск : Витебская областная типография, 2011. – С. 134–139.

4. Никитина, О. Наталья Хороненко – кандидат в олимпийскую сборную / О. Никитина // Народнае слова. – 2004. – 12 лют. – С. 2.

5. Шутова, О. Из высокого – на высокую ступеньку / О. Шутова // Народнае слова. – 2008. – 23 жн. – С. 5.