Парамыгіна Святлана Вячаславаўна нарадзілася 5 красавіка 1965 года ў г. Екацярынбург. Беларуская спартсменка, біятланістка. Заслужаны майстар спорту СССР (1991). Заслужаны майстар спорту Рэспублікі Беларусь (1994).

Скончыла Полацкі політэхнічны інстытут (зараз – Полацкі дзяржаўны ўніверсітэт; 1987), Беларускі дзяржаўны ўніверсітэт (2002), Віцебскую абласную СДЮШАР па зімовых відах спорту «Алімпіец».

У 1989–1992 гг. – член зборнай СССР.

З 1992 па 2001 гг. выступала за Рэспубліку Беларусь.

З 2002 года – спартыўны журналіст у газеце «Прессбол».

Святлана Парамыгіна – сярэбраны прызёр XVII зімовых Алімпійскіх гульняў на дыстанцыі 7,5 км (1994), чэмпіёнка свету (1990, 1991, 1994), сярэбраны і бронзавы прызёр чэмпіянатаў свету (1993), уладальніца двух малых Кубкаў свету (1994, 1995). Пераможца летніх чэмпіянатаў свету (1997, 1998) і сярэбраны прызёр (1999); чэмпіёнка Еўропы (1995), сярэбраны (2000) і бронзавы прызёр (1996); чэмпіёнка СССР (1989), уладальніца Кубка СССР (1990). Чэмпіёнка Беларусі (1978–2000). Лепшая спартсменка Беларусі (1994).

На чэмпіянатах свету па летнім біятлоне ўзнагароджана 4 медалямі (1997 – залаты; 1998 – залаты; 1999 – сярэбраны; 2000 – залаты). Мае 9 перамог на этапах Кубка свету (чатыры ў 1994 г., чатыры ў 1995 і адну ў 1997 гг.). Шасціразовы сярэбраны прызёр этапаў Кубка свету (1993 – тройчы, 1994, 1996, 1997), шасціразовы бронзавы прызёр этапаў Кубка свету (1990, 1995 – тройчы, 1996, 1997).

У 2002 годзе ўзнагароджана медалём Нацыянальнага алімпійскага камітэта Рэспублікі Беларусь «За выдатныя заслугі».

Першы трэнер – бацька Парамыгін Вячаслаў Сцяпанавіч.

ЛІТАРАТУРА

1. Быстрее, выше, сильнее! (1989–1998) / подгот. В. Факеев // Новополоцк сегодня. – 2018. – 20 апр. – С. 4.

2. Парамыгина Светлана Вячеславовна // Профессиональные союзы Беларуси : энциклопедия : в 2 т. / редкол.: Л. П. Козик [ и др.]. – Минск, 2011. – Т. 1 : А–М. – С. 329.

3. Парамыгина Светлана Вячеславовна // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 699–700.

4. Парамыгина Светлана Вячеславовна // Спортивная энциклопедия Беларуси / редкол.: Г. П. Пашков [и др.]. – Минск : БелЭн им. П. Бровки, 2005. – С. 324.

5. Петрыкаў, А. М. Парамыгіна Святлана Вячаславаўна / А. М. Петрыкаў // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 12 : Палікрат–Праметэй. – С. 88.

6. Светлана Парамыгина // Витебщина Олимпийская / сост.: В. В. Быньков ; фото: А. В. Хитров, Г. Н. Семенов, П. П. Рябухин. – Доп. изд. – Витебск : Витебская областная типография, 2011. – С. 116–121.