Шэршукоў Віктар Яўгенавіч нарадзіўся 27 лютага 1953 года ў г. Хабараўск у сям'і кадравага вайскоўца, спартсмен.

У 1959 г. сям'я пераехала ў Наваполацк.

Спартыўную кар'еру пачынаў з заняткаў барацьбой, затым захапіўся цяжкай атлетыкай. Уладальнік двух срэбных медалёў чэмпіянатаў СССР і 4-разовы чэмпіён БССР у вагавой катэгорыі да 82,5 кг. Майстар спорту СССР (1976), Заслужаны трэнер Беларусі (мае вышэйшую кваліфікацыйную катэгорыю), суддзя рэспубліканскай катэгорыі (1996).

Унёс вялікі ўклад у развіццё цяжкай атлетыкі ў Наваполацку. За час трэнерскай працы ў СДЮШАР-1 ім падрыхтавана цэлая плеяда спартсменаў міжнароднага класа, заслужаных майстроў спорту, майстроў спорту.

З 2001 г. – старшы трэнер нацыянальнай каманды Рэспублікі Беларусь па цяжкай атлетыцы. Таксама працаваў галоўным трэнерам зборнай па паўэрліфцінгу.

Выхаваў семярых заслужаных майстроў спорту Беларусі: Сяргей Лаўрэнаў, Аляксандр Анішчанка, Генадзь Аляшчук, Ганна Бацюшка, Сяргей Лагун, Вадзім Стральцоў, Віктар Калмук (гіравы спорт).

Узнагароджаны ордэнам «Знак Пашаны», медалём «За працоўныя заслугі». Неаднаразова адзначаўся Падзякай Прэзідэнта Рэспублікі Беларусь. У 2004 г. прысвоена званне «Ганаровы грамадзянін горада Наваполацка». У 2010 г. – званне «Чалавек года Віцебшчыны–2010». 

Памёр 7 кастрычніка 2020 гада пасля барацьбы з анкалагічным захворваннем. Пахаваны ў г. Наваполацку.

ЛІТАРАТУРА

1. Быньков, А. Ордена олимпийцам / А. Быньков // Витебские вести. – 2016. – 15 дек. – С. 2.

2. Факеев, В. Заклинатель железа / В. Факеев // Новая газета (Наваполацк). – 2009. – 11 верас. – С. 1.

3. Факеев, В. Один против миллиона китайцев / В. Факеев // Новая газета (Наваполацк). – 2009. – 5 снеж. – С. 1–2.

4. Факеев, В. Рекорды воспитанников сокращают жизнь тренера / В. Факеев // Новая газета (Наваполацк). – 2002. – 5 лют. – С. 3–4.

5. Факеев, В. Шершуков и штанга / В. Факеев // Витебский курьер. – 2000. – 25 февр. – С. 3.

6. Факеев, В. Собиратель талантов / В. Факеев // Новополоцк сегодня. – 2017. – 10 янв. – С. 1, 4.

7. Шершуков, В. Е. «Уже готовимся к следующей Олимпиаде» / В. Е. Шершуков ; беседовал А. Быньков // Народнае слова. – 2012. – 13 верас. – С. 16.

8. Шершуков Виктор Евгеньевич // Почетные граждане белорусских городов : биографический справочник / Б. Д. Долготович. – Минск : Беларусь, 2008. – С. 94.

9. Шершуков Виктор Евгеньевич // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 23.