Вількіна Святлана Барысаўна нарадзілася 1 красавіка 1960 года ў Віцебску. Беларуская спартсменка. Майстар спорту СССР па акрабатыцы, майстар спорту Рэспублікі Беларусь, майстар спорту Рэспублікі Беларусь міжнароднага класа. Заслужаны майстар спорту Рэспублікі Беларусь.

У 1981 годзе скончыла Беларускі інстытут фізічнай культуры (зараз – Беларускі дзяржаўны ўніверсітэт фізічнай культуры).

У 1979–1984 гг. працавала трэнерам па каратэ-до Фрунзенскага фізкультурна-аздараўленчага камбіната г. Мінска. У 1984–1992 гг. – інструктар-метадыст спецыялізаванай дзіцяча-юнацкай школы алімпійскага рэзерву па гімнастыцы і акрабатыцы Мінскага ГарАНА. У 1992–2011 гг. працавала ў Беларускім нацыянальным тэхнічным універсітэце – старшы выкладчык кафедры спорту спартыўна-тэхнічнага факультэта. З 1994 года – тэхнічны дырэктар Беларускай федэрацыі шатакан каратэ-до. Галоўны інструктар клубаў «Акадэмія каратэ» (з 1996) і «Барс» (з 2002). У 2005–2008 гг. – інструктар клуба «Акадэмія каратэ» (Іспанія).

15-кратная чэмпіёнка і пераможца Кубкаў свету, 18-кратная чэмпіёнка і пераможца Кубкаў Еўропы, 9-кратная чэмпіёнка Усходняй Еўропы, 46-кратная чэмпіёнка Рэспублікі Беларусь.

Святлана Барысаўна Вількіна – Ганаровы член Беларускага саюза спартсменаў (2005), лаўрэат спецыяльных прызоў «Лепшая спартсменка чэмпіянату свету», «Лепшая спартсменка чэмпіянату Еўропы». Адзіная жанчына ва Усходняй Еўропе, якая мае 6 дан шатакан каратэ-до (2006). Узнагароджана памятным нагрудным знакам Беларускай федэрацыі шатакан каратэ-до «За асобыя заслугі ў развіцці шатакан каратэ-до ў Рэспубліцы Беларусь» (2007). Чорны пояс С. Б. Вількінай захоўваецца ў Дзяржаўным музеі Алімпійскай славы Рэспублікі Беларусь.

ЛІТАРАТУРА

1. Вилькин, А. Я. Вилькина Светлана Борисовна / А. Я. Вилькин // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 143.

2. Вилькина Светлана Борисовна // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 673.

3. Вилькина Светлана Борисовна // Спортивная энциклопедия Беларуси / редкол.: Г. П. Пашков [и др.]. – Минск : БелЭн им. П. Бровки, 2005. – С. 110.

СПАСЫЛКІ

 Светлана Вилькина: спортивная биография

 Две золотые медали чемпионата Европы привезла в Колодищи Светлана Вилькина