Жалязоўскі Ігар Мікалаевіч нарадзіўся 1 чэрвеня 1963 года ў г. Оршы.

Савецкі і беларускі канькабежац, заслужаны майстар спорту СССР (1985). Заслужаны работнік фізічнай культуры і спорту Рэспублікі Беларусь (1994). Адзін з наймацнейшых у свеце канькабежцаў-спрынтараў 80-90-х гадоў.

Неаднаразовы рэкардсмен свету (1983–1989) на дыстанцыі 1000 м і 1500 м і ў спрынтарскім мнагаборстве. Сярэбраны (1994) і бронзавы (1988) прызёр зімовых Алімпійскіх гульняў на дыстанцыі 1000 м, шасцікратны чэмпіён свету па спрынтарскім мнагаборстве (1985, 1986, 1989, 1991–1993), пяцікратны чэмпіён СССР па спрынтарскім мнагаборстве (1985, 1986, 1989–1991), мнагакратны чэмпіён краіны (1984–1991) на дыстанцыях 500, 1000 і 1500 м. Атрымаў 30 перамог на этапах Кубка свету (1985–1993). Уладальнік Кубка свету на дыстанцыі 1000 м (1991–1993).

Экс-рэкардсмен свету на дыстанцыях 1000 і 1500 м, а таксама ў спрынтарскім мнагаборстве. Лічыцца адным з самых няўдалых спартсменаў у гісторыі Алімпіяд: лепшы ў свеце спрынтар 80-х гадоў, які так і не змог заваяваць залаты алімпійскі медаль.

Скончыў Беларускі інстытут фізічнай культуры (1984). З 1995 года на адміністрацыйнай рабоце: прэзідэнт Беларускага саюза канькабежцаў (1996–2005), член НАК Беларусі, прэзідэнт Паралімпійскага камітэта Беларусі (1996–2001).

ЛІТАРАТУРА

1. Долготович, Б. Д. Железовский Игорь Николаевич / Б. Д. Долготович // Почетные граждане белорусских городов : биографический справочник / Б. Д. Долготович. – Минск : Беларусь, 2008. – С. 97–98.

2. Жалязоўскі, І. М. «Мяне выпадкова знайшлі ў школе» / І. М. Жалязоўскі ; гутарыла Д. Лабажэвіч // Звязда. – 2016. – 2 лют. – С. 13.

3. Железовский Игорь Николаевич // Спортивная энциклопедия Беларуси / редкол.: Г. П. Пашков (гл. ред.) [и др.] ; худ. оформление З. Э. Герасимович. – Минск : БелЭн им. П. Бровки, 2005. – С. 193.

4. Закиров, В. Будет Витебск....«фигурным» / В. Закиров // Витьбичи = Віцьбічы. – 2000. – 4 авг. – С.7.

5. Игорь Железовский // Витебщина Олимпийская / сост. В. В. Быньков [и др.] ; фото: А. В. Хитров, Г. Н. Семенов, П. П. Рябухин. – Доп. изд. – Витебск : Витебская областная типография, 2011. – С. 112–115.

6. Наградили Игоря Железовского // Народнае слова. – 2013. – 8 чэрв. – С. 6.

7. Эйсмонт, М. Многодетный отец Игорь Железовский / М. Эйсмонт // Народная воля. – 2003. – 26 лют. – С. 2.