Гарбуноў Цімафей Сазонавіч нарадзіўся 06.08.1904 г. у в. Саннікі Бешанковіцкага раёна. Скончыў Камуністычны ўніверсітэт Беларусі імя У. І. Леніна (1931), БДУ (1936), Акадэмію грамадскіх навук пры ЦК ВКП(б) у 1948 г. У 1919–1924 гг. працаваў на лесапільні, ільнопрадзільнай фабрыцы «Дзвіна» ў Віцебску. З 1933 г. – карэспандэнт газеты «Правда». З 1937 г. – галоўны рэдактар Дзяржаўнага выдавецтва БССР, з 1939 года – рэдактар газеты «Звязда». У 1941–1947 гг. і 1950–1960 гг. – сакратар ЦК КПБ. У пачатку Вялікай Айчыннай вайны на палітрабоце ў Чырвонай Арміі, адзін з арганізатараў партызанскага руху на Беларусі. У 1942–1945 гг. Ц. С. Гарбуноў рэдактар часопіса «Славяне», у 1949–1950 гг. – намеснік старшыні праўлення Усесаюзнага таварыства па распаўсюджванні палітычных і навуковых ведаў, рэдактар часопіса «Наука и жизнь». У 1960–1967 гг. – акадэмік-сакратар грамадскіх навук АН БССР.

Аўтар более 20 навуковых прац, у тым ліку 7 манаграфій і брашур. Асноўныя працы па гісторыі: «Вызваленая Заходняя Беларусь» (1940), «Гераічнае мінулае беларускага народа» (1945), «Утварэнне БССР» (1949) і інш. Дэпутат Вярхоўнага Савета СССР у 1946–1962 гг., Вярхоўнага Савета БССР у 1947–1967 гг. У 1955–1963 гг. – старшыня Вярхоўнага Савета БССР. Узнагароджаны ордэнам Леніна, іншымі ордэнамі і медалямі.

Узнагароджаны ордэнам Леніна, іншымі ордэнамі і медалямі.

Памёр 08.10.1969 г.

ЛІТАРАТУРА

1. Горбунов Тимофей Сазонович // Национальная академия наук Беларуси : персональный состав, 1928–2015 / сост.: Т. С. Буденкова [и др.] ; редсовет: В. Г. Гусаков (пред.) [и др.]. – 2-е изд., испр. – Минск : Беларуская навука, 2016. – С. 73.

2. Горбунов Тимофей Сазонович // Республика Беларусь : энциклопедия : в 6 т. / редкол.: Г. П. Пашков (гл. ред.) [и др.]. – Минск : БелЭн, 2006. – Т. 3 : Герасименко–Картель. – С. 126.

3. Фалей, Е. С. Горбунов Тимофей Сазонович / Е. С. Фалей // Регионы Беларуси : энциклопедия : в 7 т. / редкол.: Т. В. Белова (гл. ред.) [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1.– С. 327.

4. Хаўратовіч, І. П. Гарбуноў Цімафей Сазонавіч / І. П. Хаўратовіч // Беларуская савецкая энцыклапедыя : у 12 т. / рэдкал. П. У. Броўка (гал. рэд.) [і інш.]. – Мінск, 1971. – Т. 3 : Веды—Графік. – С. 358–359.

5. Хаўратовіч, І. П. Гарбуноў Цімафей Сазонавіч / І. П. Хаўратовіч // Беларуская энцыклапедыя : у 18 т. / рэдкал.: Г. П. Пашкоў (гал. рэд.) [і інш.]. – Мінск : БелЭн, 1997. – Т. 5 : Гальцы–Дагон. – С. 57.

6. Хаўратовіч, І. П. Гарбуноў Цімафей Сазонавіч / І. П. Хаўратовіч // Энцыклапедыя гісторыі Беларусі : у 6 т. / рэдкал.: Б. І. Сачанка (гал. рэд.) [і інш.] ; мастак Э. Э. Жакевіч. – Мінск : БелЭн імя П. Броўкі, 1994. – Т. 2 : Беліцк—Гiмн. – С. 487.

СПАСЫЛКІ

1. Центральная научная библиотека им. Я. Коласа НАН Беларуси.

2. Альманах «Россия. ХХ век».