Абрамава Лідзія Паўлаўна
Абрамава Лідзія Паўлаўна нарадзілася 10 сакавіка 1946 года ў г. Паставы, народная артыстка Расіі.
На радзіме пражыла толькі два гады, а потым сям'я пераехала ў Расію. Скончыла сямігодку, Казанскі хіміка-тэхналагічны тэхнікум, затым шэсць гадоў працавала на ваенным заводзе, дзе была нязменнай удзельніцай святочных канцэртаў. Працуючы на заводзе, яна скончыла вакальнае аддзяленне Казанскага музычнага вучылішча і паступіла ў Музычна-педагагічны інстытут імя Гнесіных у Маскве.
Пасля заканчэння аспірантуры (1986) Лідзія Абрамава больш за дваццаць гадоў выкладае сольны спеў у навучальных установах Масквы.
З 1978 па 1997 гг. Лідзія Абрамава была салістка Маскоўскай дзяржаўнай акадэмічнай філармоніі. У яе рэпертуары звыш тысячы твораў, цэлыя праграмы рускай і замежнай класікі, старадаўнія рамансы і народныя песні. Спявачка часта выступае ў Расіі і за мяжой (Венгрыя, Францыя, Англія, Італія, Мальта і інш.).
Лідзія Паўлаўна Абрамава – народная артыстка Расіі, лаўрэат усерасійскіх конкурсаў, прафесар кафедры акадэмічнага спеву Маскоўскага дзяржаўнага інстытута музыкі імя А. Шнітке, Прэзідэнт рэгіянальнага грамадскага фонду «Авэ Марыя», заснавальнік і старшыня міжнароднага студэнцкага конкурсу «Веllа vосе».
ЛІТАРАТУРА
1. Абрамова, Л. П. Как упоительны такие вечера / Л. П. Абрамова ; беседовал Г. Пищ // Пастаўскi край. – 2007. – 3 лістап. – С. 3.
2. Захарэвіч, Н. Народная артыстка Расіі / Н. Захарэвіч // Вiцебскі рабочы. – 2005. – 18 чэрв. – С. 4.
3. Пішч, Г. «Паставы – казка, у якой так утульна і камфортна» / Г. Пішч // Пастаўскi край. – 2006. – 1 лістап. – С. 3.
СПАСЫЛКІ
