Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Алфёраў Іван Карпавіч

Дата нараджэння
1894
Месца нараджэння
Віцебская вобласць, Чашніцкі раён, г. Чашнікі
Дата смерці
1990
Род дзейнасці
кіраўнік
Спецыялізацыя
папяровая і дрэваапрацоўчая прамысловасць
Узнагароды і прэміі
ордэн «Знак Пашаны»

Алфёраў Іван Карпавіч нарадзіўся ў 1894 годзе ў г. Чашнікі ў сям'і сплаўшчыка лесу.

У Чашніках Іван не скончыў нават поўнай пачатковай школы. 3 13 год ён – падзёншчык у панскім маёнтку Валадковіча. Нядоўга працаваў на мясцовай папяровай фабрыцы «Скіна».

У 1912 годзе Іван Алфёраў вымушаны быў паехаць у Пецярбург. На працягу двух гадоў ён працаваў і чорнарабочым на канвентарнай фабрыцы, і партовым грузчыкам, і слесарам мінна-снараднага завода.

Пачалася Першая Сусветная вайна, ён быў прызваны ў царскую армію і адпраўлены на Паўночны фронт.

У ліпені 1917 года ён быў арыштаваны як бальшавіцкі агітатар і адпраўлены ў дзвінскую турму, з якой быў вызвалены.

Іван Алфёраў паехаў на радзіму і дабравольна ўступіў у Віцебску ў толькі што створаны першы латышскі кавалерыйскі полк. Яго прызначылі камандзірам узвода. У 26 гадоў ён – камандзір 104-га кавалерыйскага палка.

23 сакавіка 1923 года ЦК КП(б) Беларусі накіраваў Івана Алфёрава на Полацкую мытню, дзе яго ўладкавалі старшым кантралёрам. У Полацку ён пазнаёміўся са сваёй будучай жонкай Ганнай Уладзіміраўнай.

Першы сын у Алфёравых нарадзіўся ў 1924 годзе ў Полацку. Назвалі яго Марксам – у гонар заснавальніка навуковага камунізму. Другі сын, які нарадзіўся ў 1930 г. у Віцебску, атрымаў імя Жарэс – у гонар французскага сацыяліста, стваральніка газеты «Юманітэ».

Пасады Івана Карпавіча часта мяняліся. Так, у 1926 г. Віцебскі абкам накіраваў яго ў Гарадок, дзе ён працаваў намеснікам, потым старшынёй райвыканкама, а з 1929 г. дырэктарам Гарадоцкага лесапільнага завода.

Хутка Алфёрава паслалі вучыцца. Разам з сям'ёй ён едзе ў Архангельск, дзе становіцца студэнтам новага лесатэхнічнага інстытута.

У 1935 годзе выпускнік інстытута быў прызначаны дырэктарам Сталінградскага лесакамбіната, потым яго перавялі ў Новасібірск, дзе ён стаў начальнікам «Запсібтранслеса». Два гады Іван Карпавіч працаваў дырэктарам цэлюлозна-папяровага камбіната ў Ленінградскай вобласці.

У першыя дні вайны Алфёраў быў накіраваны ў далёкі таёжны пасёлак Турынск. Яму было даручана кіраваць буйным цэлюлозна-папяровым заводам і наладзіць выпуск пораху для снарадаў. Урадавае заданне было своечасова выканана, і ў 1942 г. І. К. Алфёраў атрымаў ордэн «Знак Пашаны».

Летам 1945 г. Алфёраў прыехаў у Мінск з жонкай і 15-гадовым Жарэсам. Старэйшы сын Маркс – добраахвотнік, гвардыі малодшы лейтэнант – гераічна загінуў ва ўзросце 20 гадоў на Украіне.

Адзінаццаць гадоў працаваў на пасадзе кіраўніка трэста папяровай прамысловасці БССР. У 1956 годзе, пасля рэарганізацыі, ён стаў начальнікам аддзела паперы і лесахіміі Міністэрства папяровай і дрэваапрацоўчай прамысловасці БССР.

Памёр Іван Карпавіч у 1990 годзе.

 

ЛІТАРАТУРА

1. Дзеячы культуры і навукі – ураджэнцы Чашніччыны // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 138–149.

2. Корнилович, Э. Иван Алферов – отец Нобелевского лауреата / Э. Корнилович // Беларусь. – 2002. – № 2–3. – С. 10–11.

3. Торбина, И. Однокашники / И. Торбина // Чырвоны прамень (Чашнікі). – 2015. – 6 лістап. – С. 4.

4. Торбина, И. Родился в местечке Чашники / И. Торбина // Чырвоны прамень (Чашнікі). – 2015. – 6 лістап. – С. 4.