Апанасевіч Павел Андрэевіч нарадзіўся 14 ліпеня 1929 года ў в. Стараселле Тумілавіцкага сельсавета. Беларускі фізік. Акадэмік (1984, член-карэспандэнт з 1980) Нацыянальнай АН Беларусі. Доктар фізіка-матэматычных навук (1974), прафесар (1977). Заслужаны дзеяч навукі Беларусі (1995). Скончыў БДУ (1954). У 1957–1968 гг. малодшы, старшы навуковы супрацоўнік, з 1968 г. загадчык лабараторыяй нелінейнай спектраскапіі, з 1978 г. намеснік дырэктара па навуковай рабоце, з 1987 г. дырэктар Інстытута фізікі Нацыянальнай АН Беларусі.

Навуковыя даследаванні па лазернай фізіцы, нелінейнай оптыцы і спектраскапіі. Дзяржаўная прэмія Беларусі (1978) за цыкл прац «Спектральна-аптычныя якасці рэчыва ў полі магутнага лазернага выпрамянення». Дзяржаўная прэмія СССР (1982) за цыкл прац «Фізічныя асновы дынамічнай галаграфіі і новыя метады пераўтварэння прасторавай структуры светлавых пучкоў».

Апублікаваў больш за 320 навуковых прац, у тым ліку 2 манаграфіі. Узнагароджаны ордэнам «Знак Пашаны» (1979), ордэнам Пашаны (2010), медалём.

ЛІТАРАТУРА

1. Академик П. А. Апанасевич : к 85-летию со дня рождения / [сост. О. А. Гапоненко]. – Мінск. : Бел. навука, 2014. – 252 с.

2. Апанасевіч Павел Андрэевіч // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 617–618.

3. Апанасевич Павел Андреевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 20–21.

4. Михайловская, С. Волшебный луч в его судьбе / С. Михайловская // Беларуская думка. – 2011. – № 1. – С. 45–51.

5. Нашай зямлёй народжаныя // Родныя вытокі (Докшыцы). – 2009. – 24 студз. – С. 2.

6. Позойский, С. В. Ученые-физики – уроженцы Витебщины / С. В. Позойский // Фiзiка: праблемы выкладання. – 2005. – № 5 (46). – С. 13.

7. Русецкий, А. В. Апанасевич Павел Андреевич / А. В. Русецкий // Ученые-уроженцы Витебщины – для инновационной Беларуси / А. В. Русецкий, Н. К. Толочко. – Витебск, 2007. – С. 30–33.