Бабенка Эрнст Міхайлавіч нарадзіўся 21. кастрычніка 1937 года ў г. п. Плешчаніцы Лагойскага раёна Мінскай вобласці.

У 1959 г. скончыў Маскоўскі хіміка-тэхналагічны інстытут ім. Д. І. Мендзялеева.

У 1959–1962 гг. працаваў майстрам, начальнікам змены, намеснікам начальніка змены на Чалябінскім металургічным заводзе.

У 1962–1968 гг.- старшы навуковы супрацоўнік, начальнік аддзела НДІ электродной прамысловасці (г. Чалябінск). З 1968 г. – выкладчык Наваполацкага філіяла Беларускага політэхнічнага інстытута, старшы выкладчык хіміі, загадчык кафедры. З 1970 па 1974 гг. – дырэктар Наваполацкага філіяла БТІ.

Пасля пераўтварэння (01.01.1974) філіяла БТІ ў Наваполацкі політэхнічны інстытут прызначаны яго рэктарам, стаўшы самым маладым у СССР кіраўніком вышэйшай навучальнай установы.
З 1976 па 1985 гг. – дырэктар Дзяржаўнага навукова-даследчага і праектна-канструктарскага інстытута электроднай прамысловасці.

1985–1987 гг. – намеснік генеральнага дырэктара па навуцы і новай тэхніцы Усесаюзнага аб'яднання канструкцыйнага графіту і электродаў «Союзуглерод» (Масква).

У 1987–1993 гг. рэктар Наваполацкага політэхнічнага інстытута. Актыўна спрыяў пераўтварэнню НПІ ва ўніверсітэт класічнага тыпу: адчыняў новыя кафедры, запрашаў на працу высокакваліфікаваных спецыялістаў з розных ВНУ СССР і інш. У 1993 г. НПІ ператвораны ў Полацкі дзяржаўны ўніверсітэт. З 2003 г. займаецца выкладчыцкай дзейнасцю.

Доктар тэхнічных навук (1989), прафесар (1991). Заслужаны работнік адукацыі Беларусі. Сапраўдны член Акадэміі адукацыі Беларусі, Міжнароднай і Беларускай інжынерных акадэмій. Аўтар больш 110 навуковых прац у галіне хімічнай тэхналогіі паліва, 32 вынаходкі. 

Узнагароджаны ордэнамі Дружбы народаў, Пашаны, медалём «Ветэран Працы». У 1998 г. прысвоена званне «Ганаровы грамадзянін горада Наваполацка».

ЛІТАРАТУРА

1. Бабенко, Э. У истоков ПГУ / Э. Бабенко // Химик (Новополоцк). – 2003. – 2 сент. – С. 2.

2. Бабенко, Э. М. Неподведённые итоги Эрнста Бабенко / Э. М. Бабенко // Новая газета (Наваполацк). – 2007. – 19 кастр. – С. 3.

3. Бабенко Эрнст Михайлович // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 19.

4. Конышева, Н. Человек, возродивший университет / Н. Конышева // Народнае слова. – 1997. – 21 кастр. – С. 4.

5. Конышева, Н. Человек – легенда / Н. Конышева // Новая газета (Наваполацк). – 2012. – 26 окт. – С. 2.

6. Легенда Полоцкого университета // Информ Плюс (Полоцк). – 2012. – 1 нояб. – С. 1–2.

7. Лелека, Л. Рыцарь науки : штрихи к портрету ученого и учителя Эрнста Бабенко / Л. Лелека // Полацкі веснік. – 2012. – 2 лістап. – С. 4.

8. Ободова, А. Современность, обогащенная мудростью веков / А. Ободова // Новополоцк сегодня. – 2017. – 27 окт. – С. 2.

9. Эрнст Михайлович Бабенко (К 65-летию со дня рождения) : библиографический указатель / сост.: О. Б. Володина, О. И. Лапковская. – Новополоцк : Полоцкий государственный университет, 2002. – 68 с.