Багдановіч Вячаслаў Васільевіч нарадзіўся ў 1878 годзе ў горадзе Дзісна Віцебскай губерніі (зараз Верхнядзвінскі раён), беларускі царкоўны і грамадска-палітычны дзеяч.

Скончыў Кіеўскую духоўную акадэмію. З 1907 года інспектар Віленскай духоўнай семінарыі, потым яе рэктар. У 1917 годзе – дэлегат на Вялікі царкоўны сабор у Маскве. Адзін з заснавальнікаў і кіраўнікоў «Беларускага праваслаўнага аб'яднання». У 1922 годзе абраны ў сенат Польскай Рэспублікі, уваходзіў у Беларускі пасольскі клуб.

У 1920–1930 гг. член Беларускага Нацыянальнага камітэта ў Вільні. Выступаў супраць аўтакефаліі беларускай праваслаўнай царквы.

Аўтар музыкі да некалькіх рамансаў і на лібрэта А. Пшчолкі.

Быў арыштаваны польскімі ўладамі і зняволены ў Бяроза-Картузскі канцэнтрацыйны лагер. У верасні 1939 года, пасля вызвалення Заходняй Беларусі і Вільні Чырвонай Арміяй, друкаваўся ў «Віленскай праўдзе».

У кастрычніку 1939 года арыштаваны, прапаў без вестак.

ЛІТАРАТУРА

1. Багдановіч Вячаслаў Васільевіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 30.

2. Багдановіч Вячаслаў Васільевіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 19.

3. Богданович Вячеслав Васильевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 74.

СПАСЫЛКІ

Дзеля Царквы і Бацькаўшчыны: В.В. Багдановіч (1878–1941?)