Багніч Сяргей Анатольевіч нарадзіўся 12 чэрвеня 1964 года ў г. Гарадок, беларускі вучоны ў галіне спектраскапіі арганічных злучэнняў. Доктар фізіка-матэматычных навук.

У 1986 годзе скончыў фізічны факультэт Беларускага дзяржаўнага ўніверсітэта. З 1987 года працуе ў Інстытуце малекулярнай і атамнай фізікі Нацыянальнай акадэміі навук Беларусі.

Аўтар больш за 80 навуковых прац па даследаванні транспарту энергіі электроннага ўзбуджэння ў неўпарадкаваных арганічных асяроддзях і яго камп'ютарнаму мадэляванню, мае вынаходніцтвы.

Па выніках конкурсу сярод таленавітых маладых вучоных у 2000 годзе Сяргею Анатольевічу была прызначана стыпендыя Прэзідэнта Рэспублікі Беларусь.

ЛІТАРАТУРА

1. Багнич Сергей Анатольевич // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 171.

2. Багніч Сяргей Анатольевіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 710.

СПАСЫЛКІ

 Нашы землякі