Бучэль Таццяна Фамінічна нарадзілася 9 ліпеня 1955 года ў аг. Германавічы Шаркаўшчынскага раёна. Беларускі грамадскі дзеяч у Латвіі.

Пасля заканчэння сярэдняй школы вучылася ў Мінску на факультэце нямецкай і англійскай моў педагагічнага інстытута замежных моў, які скончыла ў 1977 годзе. Два гады працавала настаўніцай замежных моў у Беларусі. Затым, пераехаўшы ў Латвію, выкладала англійскую мову ў Даўгаўпілскім педагагічным інстытуце. 3 1980 года – дырэктар Калкунскай бібліятэкі Даўгаўпілскага раёна. У 1999 годзе паспяхова абараніла магістарскую працу на тэму «Фразеалагізмы з міфалагічнымі кампанентамі ў беларускай і рускай мовах» у Даўгаўпілскім педагагічным універсітэце.

З'яўляецца адным з арганізатараў Беларускага культурна-асветніцкага таварыства «Уздым» (г. Даўгаўпілс). Вядзе заняткі ў беларускай нядзельнай школе, якая дзейнічае ў Даўгаўпілсе пры таварыстве, арганізуе правядзенне беларускіх народных святаў, праводзіць конкурсы на лепшае сачыненне на беларускай мове, экскурсіі па гарадах Беларусі, Літвы і Латвіі. З'яўляецца выкладчыкам спецкурса па беларускай мове ў Даўгаўпілскім педагагічным універсітэце.

ЛІТАРАТУРА

1. Бучэль Таццяна Фамінічна // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Витебская областная типография, 2007. – С. 28.